మెగాస్టార్ కత్తి రీమేక్ గురించి సరికొత్త అప్డేట్ న్యూస్ ప్రస్తుతం ఫిల్మ్ నగర్ లో సంచరిస్తుంది.. కత్తి రీమేక్ గా మెగాస్టార్ 150వ సినిమా ఉంటుందంటూ అధికారిక ప్రకటన చేసిన మెగా ఫ్యామిలీ ఇప్పుడు ఆ సినిమాకు సంబంధించిన ప్రీ ప్రొడ్క్షన్ పనులు చక్కదిద్దే ఏర్పట్లు చేస్తున్నారట. అంతేకాదు ఈ సినిమాలో మర్యాద రామన్న అదేనండి కమెడియన్ టర్నడ్ హీరో సునీల్ మళ్లీ కమెడియన్ గా అవతారమెత్తబోతున్నాడట.

మెగాస్టార్ మూవీలో సునీల్ మరోసారి తన పాత వైభవాన్ని ప్రదర్శించబోతున్నాడంటూ మీడియా కోడై కూస్తుంది. చిరు ఆదర్శంతోనే సినిమాల్లోకి వచ్చిన సునీల్ అంచెలంచెలుగా ఎదిగి హీరోగా మారాడు. అయితే కమెడియన్ నుండి హీరోగా మారాక ఎలాంటి స్టార్ హీరో సినిమాలో అవకాశం వచ్చినా నో చెప్పిన సునీల్ ఇప్పుడు చిరు ఆఫర్ ను ఓకే చేయడంలో ఆంతర్యం ఏమై ఉంటుందా అని ఆలోచిస్తున్నారు సిని జనాలు.

ఏది ఏమైనా మెగాస్టార్ చిరంజీవి ఫుల్ లెంథ్ సినిమా రావడం ఓ ఎత్తైతే మరోసారి తన మార్క్ కామెడీ పంచ్ లతో ప్రేక్షకులను ఆకట్టుకునేందుకు సునీల్ సిద్ధపడటం మరో విశేషం. ఇంకా ఈ సినిమా గురించి మరిన్ని విషయాలు త్వరలో వెళ్లడయ్యే అవకాశాలు ఉన్నాయి.