‘గాలి నాగేశ్వ‌ర‌రావు’గా ముస్తాబ‌వుతున్నాడు మంచు విష్ణు. ఈ సినిమాలో హీరోయిన్‌గా పాయ‌ల్ రాజ్‌పుత్ న‌టిస్తోంది. ఇప్పుడు స‌న్నీలియోన్ కూడా చేరింది. ఈ చిత్రంలో స‌న్నీ ఓ కీల‌క పాత్ర‌లో క‌నిపించ‌బోతోంది. ప్ర‌స్తుతం ఈ సినిమా షూటింగ్ తిరుప‌తిలో జ‌రుగుతోంది. ఈరోజే స‌న్నీలియోన్ కూడా సెట్లో అడుగుపెట్టింది. మంచు మ‌నోజ్ `క‌రెంటు తీగ‌`తో స‌న్నీ తొలిసారి టాలీవుడ్ సినిమాలో క‌నిపించింది. ఇంత కాలానికి మ‌ళ్లీ ఓ తెలుగు సినిమా చేయ‌బోతోంది. ఇందులో స‌న్నీ పాత్ర కేవ‌లం గ్లామ‌ర్‌కే ప‌రిమితం కాద‌ని, ఈ క‌థ‌ని మ‌లుపుతిప్పే పాత్ర‌లో స‌న్నీ న‌టించ‌నుంద‌ని తెలుస్తోంది. అనూప్ రూబెన్స్ ఈ చిత్రానికి సంగీతం అందిస్తున్నారు. మ‌రోవైపు శ్రీ‌నువైట్ల‌తో `ఢీ` సీక్వెల్ కూడా రాబోతోంది. అందుకు సంబంధించిన ప్రీ ప్రొడ‌క్ష‌న్ ప‌నులు కూడా మొద‌ల‌య్యాయి.