తెలుగు సిని పరిశ్రమలో ఎలాంటి వారికైనా ఒకేరకమైన గుర్తింపు లభిస్తుంది. ఇక్కడ ఒక్క హిట్ సినిమాలో నటిస్తే వరుసెంట ఆఫర్స్ వెంటబడతాయి. ప్రస్తుతం అదే ఫాంలో ఉంది డిల్లీ భామ సురభి. రీసెంట్ గా ఎక్స్ ప్రెస్ రాజా అంటూ హిట్ కొట్టిన ఈ భామ అదే జోష్ తో మరిన్ని ఆఫర్స్ చేజిక్కించుకుంటుంది. నాని హీరోగా ఇంద్రగంటి మోహనకృష్ణ దర్శకత్వంలో చేస్తున్న సినిమా ‘ధమాకా’.. అందులో ఇప్పటికే సురభి ఒక హీరోయిన్ గా ఖాయం అయ్యింది.
అదే కాకుండా మరోసారి శర్వానంద్ తో జత కట్టే అవకాశాలు కనిపిస్తున్నాయని ఫిల్మ్ నగర్ టాక్. చూస్తుంటే తెలుగులో అమ్మడు పాగా వేసేలానే ఉంది. ఇప్పటికే క్రేజీ బ్యూటీస్ ఎంతమంది ఉన్నా ఎవరికి వారే తమలో ఉన్న టాలెంట్ తో విజయ విహారం చేస్తూ అవకాశాలను పట్టేస్తున్నారు. వారిలో సురభి కూడా తన హవా కొనసాగిస్తుంది అని చెప్పాలి. మరి సురభి తర్వాత చేస్తున్న నాని, శర్వానంద్ సినిమాలు కూడా హిట్టై అమ్మడికి టాలీవుడ్ లో మంచి స్టార్ ఇమేజ్ రావాలని ఆశిద్దాం.
