అక్కినేని మ‌ల్టీస్టార‌ర్ ‘మ‌నం’ ప్రేక్ష‌కుల మ‌న‌సుల్లో చెర‌గ‌ని ముద్ర వేసేసింది. అక్కినేని కుటుంబం ఉన్నంత కాలం.. `మ‌నం` గురించి చెప్పుకుంటూనే ఉంటారు. అలానే ద‌గ్గుబాటి వారి మ‌ల్టీస్టార‌ర్ చేయాల‌న్న‌ది సురేష్‌బాబు ఆశ‌. అందుకోసం ఇది వ‌ర‌కు ప్ర‌య‌త్నాలు కూడా జ‌రిగాయి. కొన్ని క‌థ‌ల్ని సైతం సురేష్‌బాబు రెడీ చేశాడు. కానీ.. ఎందుక‌నో అవేం వ‌ర్కవుట్ కాలేదు. ఇప్పుడు ద‌గ్గుబాటి హీరోల కోసం మ‌రో మ‌ల్టీస్టార‌ర్ క‌థ సిద్ధం అయ్యింది. ర‌చ‌యిత‌, ద‌ర్శ‌కుడు స‌తీష్ వేగేశ్న ఈ క‌థ రెడీ చేశారు. ఈ విష‌యాన్ని సురేష్ బాబునే స్వ‌యంగా ప్ర‌క‌టించారు.

“ద‌గ్గుబాటి మ‌ల్టీస్టార‌ర్ చేయాల‌ని ఎప్ప‌టి నుంచో అనుకుంటున్నా. చాలా క‌థ‌లు విన్నాం. కానీ కుద‌ర్లేదు. ఇప్పుడు స‌తీష్ వేగేశ్న ఓ క‌థ సిద్దం చేశారు. అన్నీ కుదిరితే.. త‌ప్ప‌కుండా ఈ సినిమా చేస్తాం“ అని సురేష్ బాబు క్లారిటీ ఇచ్చారు. స‌తీష్ కి కుటుంబం బంధాలు, ఎమోష‌న్స్‌పై మంచి ప‌ట్టుంంది. `శ‌త‌మానం భ‌వ‌తి`తో ఈ జోన‌ర్ తాను బాగా తీయ‌గ‌ల‌డ‌న్న విష‌యం అర్థ‌మైంది. ద‌గ్గుబాటి మ‌ల్టీస్టార‌ర్ అంటే ఫ్యామిలీ డ్రామానే కోరుకుంటారు. మ‌రి అలాంటి క‌థ స‌తీష్ సిద్ధం చేయ‌గ‌లిగితే.. త‌ప్ప‌కుండా ఈ కాంబోలో ఓ సినిమా ఉండొచ్చు.