విలక్షణ నటుడు సూర్య త్రిపాత్రాభినయం చేస్తున్న సినిమా ’24’. అత్యంత ప్రతిష్టాత్మకంగా తెరకెక్కించబడుతున్న ఈ సినిమాను విక్రం కుమార్ దర్శకత్వం వహిస్తున్నాడు. టైం మిషన్ కాన్సెప్ట్ తో రూపొందించబడుతున్న ఈ సినిమా విజువల్ వండర్ లా తీర్చిదిద్దుతున్నారు దర్శక నిర్మాతలు. తన 2డి ఎంటర్టైన్మెంట్ బ్యానర్ లో సూర్య 24 నిర్మించడం జరుగుతుంది.
ఏ.ఆర్ రెహమాన్ సంగీత అందిస్తున్న ఈ సినిమాలో సమంత, నిత్యా మీనన్ కథానాయికలుగా నటిస్తున్నారు. అయితే ఈ సినిమాను ఏప్రిల్ 14న విడుదల చేస్తున్నట్టు ప్రకటించారు దర్శక నిర్మాతలు. సినిమాను తెలుగులో నితిన్ విడుదల చేస్తున్నట్టు సమాచారం. ఇప్పటికే ఏప్రిల్ లో సర్దార్, బ్రహ్మోత్సవం సినిమాలు విడుదలకు సిద్దం చేస్తున్నారు. ఇప్పుడు ఈ సినిమా కూడా పోటీలో నిలబడనుండి.
ఇప్పటికే సూర్య 24 సినిమాకు సంబంధించి వదిలిన పోస్టర్స్ అందరిని ఆకట్టుకుంటున్నాయి. భారీ సినిమాలతో ఏప్రిల్ మొత్తం ప్రేక్షకులను సందడి చేసేందుకు రెడీ అవుతున్నాయి.
