విలక్షణ నటుడు సూర్య నటిస్తున్న సినిమా 24.. మనం సినిమాతో సౌత్ సిని ప్రేక్షకుల్లో ఓ ప్రత్యేక స్థానం సంపాధించుకున్న దర్శకుడు విక్రం ఈ సినిమాను ఎంతో ప్రతిష్టాత్మకంగ తెరకెక్కిస్తున్నాడు. అయితే సినిమా మొదలైన నాటినుండి సినిమా గురించి ఎటువంటి క్లూ కూడా బయటకు రానివ్వని చిత్ర యూనిట్ ఇప్పుడు కథ లీక్ చేసిందంటూ ప్రచారం జరుగుతుంది. కథ వారంత వారే లీక్ చేశారా లేక లీక్ అయ్యిందో తెలియదు కాని ’24’ కథ ఇదేనంటూ ఓ స్టోరీ కోలీవుడ్ మీడియాలో చెక్కర్లు కొడుతుంది.
సూర్య ఓ వాచ్ షాప్ రన్ చేస్తుండగా అతని దగ్గరకు ఓ వాచ్ రిపేర్ చేయాల్సి వస్తుందట. అయితే దాని మీద తన అనుభవాన్ని పరిక్షించగా అది టైం మిషన్ వాచ్ అని కనిపెడతాడట. దాన్ని ఓ సైంటిస్ట్ తయారు చేయగా దాన్ని ఆపరేట్ చేస్తూ ప్రస్తుత కాలం నుండి ముందుకు వెనక్కి వెల్తాడట. ఇక దాన్ని ఎలాగైనా కనిపెట్టి తన సొంతం చేసుకోవాలని మరో వ్యక్తి ప్రయత్నించడం ఇంతలో టైం మిషన్ అసలు ఫార్ములా కనిపెట్టడం జరుగుతుందట.
సో ఈ కథ కచ్చితంగా సినిమా కథే అయ్యింటుంది అంటూ ప్రచారం జరుగుతున్నా కథనంలో అందరిని ఆశ్చర్య పరచే అంశాలు ఉంటాయని తెలుస్తుంది. ముఖ్యంగా సూర్య ఇందులో త్రిపాత్రాభినయం చేయడం విశేషం. సూర్య తన 2డి ఎంటర్టైన్మెంట్ పతాకంలో నిర్మిస్తున్న ఈ సినిమాకు ఏ.ఆర్ రెహమాన్ మ్యూజిక్ అందిస్తుండగా.. సమంత, నిత్యా మీనన్ లు హీరోయిన్స్ గా నటిస్తున్నారు. ప్రస్తుతం పోస్ట్ ప్రొడక్షన్ వర్క్ జరుపుకుంటున్న ఈ సినిమా విడుదల తేదీ త్వరలో ప్రకటించే అవకాశం ఉంది.
