సూర్య హీరోగా నిల‌దొక్కుని, ఓ ఇమేజ్ సాధించిన త‌ర‌వాతే… కార్తి రంగ ప్ర‌వేశం చేశాడు. తాను కూడా… త‌న‌కంటూ ఓ ప్ర‌త్యేక‌మైన గుర్తింపు తెచ్చుకున్నాడు. అయితే వీరిద్ద‌రూ క‌లిసి ఒక్క సినిమాలోనూ న‌టించ‌లేదు. మీ ఇద్ద‌రి మ‌ల్టీస్టార‌ర్ ఎప్పుడు అని ఎవ‌రిని అడిగినా… `చేద్దాం.. చూద్దాం` అనే స‌మాధానం చెప్పేవారు. మంచి క‌థ దొరికితే వెంట‌నే చేసేస్తాం… అనేవారు. వాళ్లు కూడా త‌మ‌కు త‌గిన క‌థ కోసం గ‌ట్టి ప్ర‌య‌త్నాలే చేశారు. ఇప్పుడు అలాంటి క‌థ దొరికేసింది. ‘అయ్య‌ప్ప‌యుమ్ కోషియ‌మ్ రూపంలో.

ఈ మ‌ల‌యాళ సినిమా తెచ్చుకున్న‌క్రేజ్ అంతా ఇంతా కాదు. భార‌తీయ భాష‌ల‌న్నీ ఇప్పుడు ఈ రీమేక్ పై ప‌డ్డాయి. తెలుగు రైట్స్ ఎప్పుడో అమ్ముడుపోయాయి. అయితే ఈ రీమేక్‌లో ఎవ‌రు న‌టిస్తారు? ఎవ‌రు ద‌ర్శ‌క‌త్వం వ‌హిస్తారు? అనేది ప్ర‌శ్నార్థ‌కంగా మారింది. ఈలోగా ఈ క‌థ హిందీలోనూ రీమేక్ చేస్తున్నార‌న్న వార్త‌లొస్తున్నాయి. జాన్ అబ్ర‌హాం రీమేక్ రైట్స్‌ని సొంతం చేసుకున్నారు. ఇప్పుడు త‌మిళంలోనూ అమ్ముడుపోయింది. సూర్య – కార్తీ హీరోలుగా ఈ సినిమా రీమేక్ అవ్వ‌బోతోంద‌ని స‌మాచారం. ఈమ‌ధ్యే ఈ అన్న‌ద‌మ్ములు ‘అయ్య‌ప్ప‌యుమ్ కోషియ‌మ్ చూశార‌ని. ఇద్ద‌రికీ న‌చ్చ‌డంతో సూర్య ఈ సినిమా రీమేక్ రైట్స్‌సొంతం చేసుకున్నార‌ని తెలుస్తోంది. ద‌ర్శ‌కుడెవ‌రో ఇంకా తేలాల్సివుంది. అలా మొత్తానికి ఈ సోద‌రుల కోరిక ఓ రీమేక్ క‌థ తీర్చ‌బోతోంద‌న్న‌మాట‌.