అక్టోబ‌రు వ‌చ్చిందంటే ప్ర‌భాస్ అభిమానుల సంద‌డి మొద‌లైపోతుంది. ఎందుకంటే అక్టోబ‌రు 23… ప్ర‌భాస్ పుట్టిన రోజు. రెబల్ స్టార్ పుట్టిన రోజుని ఫ్యాన్స్ అంతా ఘ‌నంగా జ‌రుపుకోవాల‌ని భావించ‌డం స‌హ‌జం. ప్ర‌భాస్ కొత్త సినిమాల అప్‌డేట్లు, టీజ‌ర్లు, పోస్ట‌ర్లు వ‌స్తాయ‌ని గంపెడు ఆశ‌లు పెట్టుకొంటారు. ప్ర‌భాస్ చేతిలో బోలెడ‌న్ని సినిమాలున్నాయి. ‘రాజా సాబ్’ ద‌గ్గ‌ర్నుంచి `స్పిరిట్‌` వ‌ర‌కూ ఏ సినిమా నుంచైనా బ‌ర్త్ డే కి స‌ర్ ప్రైజ్ గిఫ్ట్ రావొచ్చు.

‘రాజాసాబ్’ గ్లింప్స్ ఆమ‌ధ్యే విడుద‌ల చేశారు. 2025 ఏప్రిల్ 10న ఈ సినిమా రాబోతోంది. ఈలోగా టీజ‌ర్ విడుద‌ల చేయ‌డం ఎందుకూ అని టీమ్ భావిస్తే ‘రాజాసాబ్’ నుంచి కొత్త పోస్ట‌ర్ మిన‌హా వేరే అప్ డేట్ ఏం ఉండ‌క‌పోవొచ్చు. అయితే హ‌ను రాఘ‌వ‌పూడి సినిమాకు సంబంధించిన ఓ అప్ డేట్ క‌చ్చితంగా ఉంటుంది. ఈ చిత్రానికి `ఫౌజీ` అనే పేరు ప‌రిశీలిస్తున్న సంగ‌తి తెలిసిందే. అక్టోబ‌రు 23న టైటిల్ తో పాటుగా ఫ‌స్ట్ లుక్ రివీల్ చేయ‌డం దాదాపు గ్యారెంటీ. ‘క‌ల్కి 2’ నుంచి కూడా ఏదో ఓ అప్ డేట్ ఇవ్వాల‌ని వైజ‌యంతీ మూవీస్ భావిస్తోంది. ‘స్పిరిట్‌’ టీమ్ కూడా ఓ ఇంట్ర‌స్టింగ్ అప్ డేట్ తో రాబోతోందని తెలుస్తోంది. మొత్తానికి ప్ర‌భాస్ పుట్టిన రోజున‌.. కావ‌ల్సినంత హంగామా ఉండ‌డం ఖాయం. వీటితో పాటుగా ప్ర‌భాస్ పాత సినిమాలు ‘డార్లింగ్‌’, ‘ఈశ్వ‌ర్’ విడుద‌ల చేస్తున్నారు. ‘ఈశ్వ‌ర్’ మాటేమో గానీ, ‘డార్లింగ్’ సినిమాకు థియేట‌ర్లు మోత మోగ‌డం ఖాయం అనిపిస్తోంది.