ఏపీలో సర్వే ఏదైనా కూటమిదే అధికారమని స్పష్టం చేస్తున్నాయి. ఎన్నికల వ్యూహకర్త ప్రశాంత్ కిషోర్ కూడా కూటమి తిరుగులేని మెజార్టీతో అధికారంలోకి వస్తుందని స్పష్టం చేశారు. ఈ క్రమంలోనే రైజ్ ( ఇండియన్ పొలిటికల్ మేనేజ్ మెంట్ ) సంస్థ ఏపీలో ఎన్నికల ఫలితం ఎలా ఉండనుంది అనే అంశంపై చేపట్టిన సర్వే ఫలితాన్ని విడదల చేసింది.
ఏపీ ఎన్నికలపై ఇండియన్ పోలిటికల మేనేజ్ మెంట్ అనే సంస్థ 34రోజులపాటు రాష్ట్రవ్యాప్తంగా సర్వే చేపట్టింది. 662 మంది సిబ్బంది ద్వారా 3, 82, 576 శాంపిల్స్ సేకరించి సర్వే ఫలితాలను తాజాగా విడుదల చేసింది. ప్రస్తుత ట్రెండ్స్ ప్రకారం కూటమి 97స్థానాల్లో విజయం సాధిస్తుందని, 108- 120సీట్లు సాధించే అవకాశం ఉందని తేల్చింది. వైసీపీ 34 సీట్లను కైవసం చేసుకుంటుందని..ఆ పార్టీకి 41 – 54 సీట్లు వచ్చే అవకాశం ఉందని విశ్లేషించింది. 43నియోజకవర్గాల్లో హోరాహోరీ పోరు నడుస్తోందని పేర్కొంది.
ఉత్తరాంధ్ర రీజియన్ లో 34 స్థానాలు ఉండగా కూటమి అత్యధికంగా 18స్థానాలు గెలుచుకుంటుందని.. వైసీపీ 7స్థానాలకు మాత్రమే పరిమితం అవుతుందని స్పష్టం చేసింది. 9 నియోజకవర్గాల్లో పోటాపోటీ ఉందని తెలిపింది. గోదావరి జిల్లాలో 34 స్థానాలకు కూటమి 23స్థానాలు, వైసీపీ కేవలం 6 సీట్లు మాత్రమే సాధిస్తుందని, ఐదు నియోజకవర్గాల్లో హోరాహోరీ పోటీ ఉందని తెలిపింది.
కృష్ణా, గుంటూరు, ప్రకాశం, నెల్లూరు జిల్లాలో కూటమి 39 స్థానాల్లో గెలుపొందుతుందని… వైసీపీ కేవలం 4 స్థానాలే గెలుచుకుంటుందని ,11 నియోజకవర్గాల్లో ప్రధాన పార్టీ అభ్యర్థుల మధ్య పోటాపోటీ ఉందని తేల్చింది. జగన్ రాయలసీమపై భారీగా ఆశలు పెట్టుకున్నారు. ఒకటి రెండు సీట్లు మినహా సీమలో వైసీపీ క్లీన్ స్వీప్ చేస్తుందని అనుకుంటున్నారు. కానీ కూటమి 18 – 22 స్థానాలు గెలుస్తుందని, వైసీపీ 30- 44స్థానాల్లో గెలుపొందుతాయని తెలిపింది.
