సావిత్రి జీవితం ఆధారంగా మ‌హాన‌టి అనే చిత్రం రూపొందుతున్న సంగ‌తి తెలిసిందే. సావిత్రిగా కీర్తి సురేష్ న‌టిస్తోంది. ఈ చిత్రంలో ఎన్టీఆర్, ఏఎన్నార్ పాత్ర‌ల‌కూ ప్రాధాన్యం ఉంది. ఆయా పాత్ర‌ల్లో ఎవ‌రు క‌నిపిస్తార‌న్న ఆస‌క్తి నెల‌కొంది. ఏఎన్నార్‌గా న‌టించ‌డానికి నాగ‌చైత‌న్య ఒప్పుకున్న‌ట్టు స‌మాచారం. ఇక ఎన్టీఆర్ పాత్ర కోసం జూ.ఎన్టీఆర్‌ని సంప్ర‌దించ‌డం, త‌ను సున్నితంగా తిర‌స్క‌రించ‌డం జ‌రిగిపోయాయి. అందుకే ఆ పాత్రలో ఎవ‌రిని చూపించాలా? అనే సంశ‌యం నెల‌కొంది. ఇప్పుడు ‘సూర్య అయితే ఎలా ఉంటాడు’ అనే ఆలోచ‌న‌లో ప‌డింది చిత్ర‌బృందం. నిజానికి ఈ చిత్రంలోని శివాజీగ‌ణేష‌ణ్ పాత్ర‌కోసం ముందు సూర్య‌నే సంప్ర‌దించారు. త‌ను ఆ పాత్ర చేయ‌డానికి ఒప్పుకోలేద‌ని స‌మాచారం. మ‌రి ఇప్పుడు ఎన్టీఆర్ పాత్ర ని చేస్తాడా, వేరే కార‌ణాలు చెప్పి త‌ప్పుకుంటాడా? అనే అనుమానం నెల‌కొంది. సూర్య గ‌నుక ఎన్టీఆర్‌పాత్ర పోషించ‌డానికి ముందుకొస్తే… ‘మ‌హాన‌టి’ మైలేజీ మ‌రింత పెరిగిన‌ట్టే.
ఎన్టీఆర్‌గా సూర్య?
