ఈ మధ్య చిన్న హీరోలకు మంచి అవకాశాలు తలుపుతడుతున్నాయి. హీరోల పక్కన కాస్త ప్రయారిటీ వున్న క్యారెక్టర్ వుంటే చిన్న హీరోల కేసి చూస్తున్నారు. చిన్న, మిడ్ రేంజ్ హీరోలు కూడా సరైన, వైవిధ్యమైన క్యారెక్టర్ వుంటే, రెడీ అంటున్నారు. ఎప్పుడూ హీరోగానే ట్రయ్ చేస్తూ వుంటే కెరీర్ ముందుకు సాగడం అన్నది అందరికీ సాధ్యం కాదు కదా?
అక్కినేని ఫ్యామిలీకి చెందిన సుశాంత్ సరైన సినిమా పడకుండా, ఇబ్బంది పడుతున్నాడు. ఎలా ట్రయ్ చేసినా హిట్ పడడం లేదు. ఇలాంటి టైమ్ లో ఓ మాంచి ఆఫర్ వచ్చినట్లు తెలుస్తోంది.
బన్నీ హీరోగా హారిక హాసిని-గీతా కలిసి నిర్మించే సినిమాలో ఓ ఇంపార్టెంట్ క్యారెక్టర్ ను సుశాంత్ కు ఆఫర్ చేసినట్లు తెలుస్తోంది. ఇంతకన్నా లక్కీచాన్స్ సుశాంత్ కు మరోటి వుండదు. త్రివిక్రమ్ దృష్టిలో పడినట్లయితే, ఇక మిగిలిన డైరక్టర్ల దృష్టి కూడా పడుతుంది కదా? దాంతో కెరీర్ గాడిలో పడుతుంది.
