చ‌టుక్కున వ‌చ్చి రెండు మూడు సినిమాలు చేసి, కామ్ అయిపోవ‌డం. మ‌ళ్లీ ట‌చ్‌లోకి రావ‌డం, మ‌ళ్లీ దూర‌మ‌వ్వ‌డం… స్వాతికి అల‌వాటే. చేతిలో అష్టాచ‌మ్మా, స్వామి రారా, కార్తికేయ లాంటి హిట్స్ ప‌డినా – స్వాతి బండి ఎందుకో స్పీడ్ అందుకోలేదు. ఇటీవ‌లే స్వాతి పెళ్లి చేసుకొంది. పెళ్ల‌య్యాక న‌ట‌న‌కు ఫుల్ స్టాప్ పెడుతుందేమో అనుకున్నారంతా. కానీ… స్వాతి మ‌ళ్లీ మేక‌ప్‌వేసుకోవ‌డానికి రెడీ అయ్యింది. ఓసినిమాలో న‌టించ‌డానికి సంత‌కాలు కూడా పెట్టేసింది. అదే.. కార్తికేయ 2లో.
కార్తికేయ‌లో నిఖిల్ – స్వాతి జంట‌గా న‌టించిన సంగ‌తి తెలిసిందే. ఈ సినిమా సీక్వెల్ లో మాత్రం అనుప‌మ ప‌ర‌మేశ్వ‌ర‌న్ ని క‌థానాయిక‌గా ఎంచుకున్నారు. దాంతో ఈ టీమ్ లో మిస్స‌య్యింది స్వాతి ఒక్క‌ర్తే అనుకున్నారంతా. కానీ ఇప్పుడు స్వాతిని సైతం కార్తికేయ 2లో తీసుకున్నారు. కార్తికేయ క‌థ ఎక్క‌డైతే ఆగిందో, అక్క‌డి నుంచి కార్తికేయ 2 మొద‌ల‌వుతుంది. అంటే.. కార్తికేయ‌లో క‌నిపించిన ప్ర‌తీ పాత్రా.. పార్ట్ 2లోనూ చూపించాలి. అందుకే… స్వాతిని ఎంచుకున్నారు. ఇది స్వాతికి రీ – రీ ఎంట్రీ.
