తేజ ద‌ర్శ‌క‌త్వంలో రూపొంద‌నున్న చిత్రం `అలివేలు వేంట‌క‌ర‌మ‌ణ`. వేంక‌ట‌ర‌మ‌ణ‌గా గోపీచంద్ ని ఫిక్స్ చేసి, ఆ త‌ర‌వాత.. అలివేలు కోసం వెద‌క‌డం మొద‌లెట్టారు. కాజ‌ల్ నుంచి మొద‌లై.. టాప్ హీరోయిన్లంద‌రి పేర్లూ ఈ పాత్ర కోసం ప‌రిశీలించారు. చివ‌రికి తాప్సిని ఎంచుకున్నారు. దాదాపు ఈ పాత్ర‌కు తాప్సి ఖరారైపోయిన‌ట్టే. ఇటీవ‌ల తాప్సిని క‌లిసిన తేజ… క‌థ వినిపించారు. తాప్సి కూడా ఈ సినిమాలో న‌టించ‌డానికి ఉత్సాహం చూపిస్తోంది.
గోపీచంద్ ఈ సినిమా నుంచి త‌ప్పుకున్న‌ట్టు వార్త‌లొస్తున్నాయి. ఇప్పుడు వేంక‌ట‌ర‌మ‌ణ పాత్ర కోసం ఓ హీరో కావాలి. తెలుగులో హీరోలంతా బిజీనే. కాబ‌ట్టి.. త‌మిళ్ నుంచైనా తీసుకోవాల‌ని తేజ భావిస్తున్నారు. స్క్రిప్టు ప‌నులు పూర్తి అయిపోయాయి. హీరో దొరికి, కాల్షీట్లు ఖ‌రారైతే… క్లాప్ కొట్టుకోవ‌డ‌మే త‌రువాయి.
