తాప్సిని టాలీవుడ్ పెద్ద‌గా ప‌ట్టించుకోలేదు గానీ, బాలీవుడ్ మాత్రం ఆమెలోని న‌టిని గుర్తించింది. అక్క‌డ తాప్సి చేసిన సినిమాలు, పాత్ర‌ల‌న్నీ న‌ట‌న‌కు ప్రాధాన్యం ఉన్న‌వే. `పింక్‌`, `బ‌ద్లా`, `థ‌ప్ప‌డ్` సినిమాల్లో ఓ స‌రికొత్త తాప్సిని చూశారు జ‌నాలు. క‌థానాయిక ప్రాధాన్యం ఉన్న సినిమాల‌కు తాప్సి ఓ మంచి ప్ర‌త్యామ్నాయంగా మారింది. ఇప్పుడు బాలీవుడ్ స్టార్లు కూడా తాప్సిపై దృష్టి పెట్టారు. తాజాగా తాప్సికి బాలీవుడ్ లో మ‌రో సూప‌ర్ ఛాన్స్ ల‌భించిన‌ట్టు తెలుస్తోంది.

బాలీవుడ్ ఎప్ప‌టి నుంచో ఎదురు చూస్తున్న కాంబో.. షారుఖ్ ఖాన్ – రాజ్ కుమార్ హిరాణీ. వీరిద్ద‌రి కాంబినేష‌న్‌లో అతి త్వ‌ర‌లోనే ఓ సినిమా రాబోతోంద‌ని తెలుస్తోంది. ఇటీవల రాజ్ కుమార్‌.. షారుఖ్ కి ఓ క‌థ వినిపించాడ‌ని, దానికి షారుఖ్ ఓకే చెప్పేశాడ‌ని టాక్‌. ఈ సెప్టెంబ‌రులోనే ఈ సినిమా ప‌ట్టాలెక్క‌బోతోంది. ఇందులో క‌థానాయిక‌గా తాప్సిని ఎంచుకున్నార్ట‌. త్వ‌ర‌లోనే ఆ వివ‌రాల‌న్నీ బ‌య‌ట‌కు రానున్నాయి. షారుక్ – అట్లీ కాంబినేష‌న్‌లో ఓ సినిమా మొద‌లు కానుంది. ఇందులో క‌థానాయిక‌గా న‌య‌న‌తార పేరు ప‌రిశీల‌న‌లో ఉంద‌ని స‌మాచారం.