ప్ర‌భాస్ – సుజిత్ ల కాంబినేష‌న్‌లో తెర‌కెక్కుతున్న చిత్రం సాహో. యూవీ క్రియేష‌న్స్‌సంస్థ తెర‌కెక్కిస్తోంది. బాహుబ‌లి 2తో పాటు సాహో టీజ‌ర్‌ని విడుద‌ల చేశారు. 40 సెక‌న్ల టీజ‌ర్ దుమ్ము దులుపుతోంది. టీజ‌రే ఇలా ఉంటే, సినిమా ఇంకెలా ఉంటుందో అని అభిమానులు అంచ‌నాల్లో ప‌డిపోయారు. అయితే.. ఇప్ప‌టి వ‌ర‌కూ ఈ సినిమాలో క‌థానాయిక ఎవ‌ర‌న్న‌ది తేల‌లేదు. బాలీవుడ్ క‌థానాయిక కోసం ప్ర‌య‌త్నాలు జ‌రుగుతున్నాయ‌ని, త్వ‌ర‌లోనే ఫిక్స్ అవ్వొచ్చ‌ని చిత్ర‌బృందం చెబుతూ వ‌చ్చింది.

అయితే ఇప్పుడు బాలీవుడ్ క‌థానాయిక‌ని తీసుకొనే ప్ర‌య‌త్నాల్ని చిత్ర‌బృందం విర‌మించుకొంద‌ని తెలుస్తోంది. ఆ స్థానంలో త‌మ‌న్నాని ఎంపిక చేసుకొన్నార‌ని స‌మాచారం. ఇది వ‌ర‌కు ప్ర‌భాస్ – త‌మ‌న్నాల కాంబోలో రెబ‌ల్ వ‌చ్చింది. అది ఫ్లాప్ అయ్యింది. అయితే బాహుబ‌లి మాత్రం.. అద్భుతాలు సృష్టించింది. అందుకే ఈ కాంబోని మ‌రోసారి రిపీట్ చేయాల‌ని చిత్ర‌బృందం భావిస్తున్న‌ట్టు స‌మాచారం. సినిమాల్లేక డీలా ప‌డిన త‌మ‌న్నాకు ఇది నిజంగా అదిరిపోయే ఆఫ‌రే!