సుకుమార్ దర్శకత్వంలో యంగ్ టైగర్ ఎన్టీఆర్ చేస్తున్న సినిమా ‘నాన్నకు ప్రేమతో’.. శ్రీ వెంకటేశ్వర సిని క్రియేషన్స్ పతాకంలో బి.వి.ఎస్.ఎన్ ప్రసాద్ ఈ సినిమాను నిర్మిస్తున్నారు. ప్రస్తుతం స్పెయిన్ లో షూటింగ్ జరుపుకుంటున్న సినిమా ఈ నెల 23న హైదరాబాద్ రానుంది. సినిమాలో హీరోయిన్ గా ఉండగా మరో హీరోయిన్ తో ఐటం సాంగ్ చేయించే ప్రయత్నాలు చేస్తున్నాడట దర్శకుడు సుకుమార్.
సుకుమార్ సినిమాలో ఐటం సాంగ్స్ కు భలే క్రేజ్ సంపాధిస్తాయి.. ఆర్య సినిమాలో అ.. అంటే అమలాపురం నుండి.. 1 నేనొక్కడినేలో లండన్ బాబు లండన్ బాబు వరకు తను తీసిన ప్రతి సినిమాలో ఐటం సాంగ్ ఖచ్చితంగా ఉండేలా చూసుకుంటాడు. నాన్నకు ప్రేమతో సినిమాలో కూడా అలాంటి ఓ స్పెషల్ సాంగ్ ని దేవి చేత కంపోజ్ చేయించిన సుక్కు దానికోసం ప్రత్యేక శ్రద్ధ చూపిస్తున్నాడట. అయితే ఇంతకుముందెన్నడు లేని విధంగా ఈ సారి తన సినిమాలో ఐటం సాంగ్ ఓ క్రేజీ హీరోయిన్ తో చేయించాలని నిర్ణయించుకున్నాడట దర్శకుడు సుకుమార్.. ఆ కార్యక్రమంలోనే మిల్కీ బ్యూటీ తమన్నాని అడగటం ఆమె ఒప్పుకోవడం జరిగిందట.
ప్రస్తుతం స్పెయిన్ లో షూటింగ్ జరుపుకుటున్న నాన్నకు ప్రేమతో యూనిట్ త్వరలో హైదరాబాద్ చేరుకోనుంది. అయితే ఆడియో విడుదల కార్యక్రమం కూడా 25న పెట్టుకున్న సంగతి తెలిసిందే. ఎన్టీఆర్ తన్నాల ఐటం సాంగ్ షూట్ ఆడియో విడుదల తర్వాతే అన్నమాట. సంక్రాంతి బరిలో దిగేందుకు సర్వశక్తులని పెట్టి సినిమాను తెరకెక్కిస్తున్నారు చిత్ర యూనిట్. సుక్కు చేస్తున్న ఈ ఐటం సాంగ్ ప్రయోగం సినిమాకు ఎంతవరకు సహాయపడుతుందో చూడాలి.
