మిల్కీ బ్యూటీ తమన్నా చూపు కుర్ర హీరోల మీద పడ్డదా అంటే అవుననే అంటున్నాయి ఫిల్మ్ నగర్ వర్గాలు. ఊపిరి రిలీజ్ సమయంలో ప్రమోషన్స్ లో పాల్గొన్న తమన్నా తానో కుర్ర హీరోతో నటించడానికి రెడీగా ఉన్నానంటూ చెప్పడం ఇప్పుడు హాట్ టాపిక్ అయ్యింది. మిడిల్ రేంజ్ హీరోగా క్రేజ్ సంపాదించిన నానితో అవకాశం వస్తే ఓ సినిమా చేస్తా అంటుంది తమన్నా. ఇంతకీ తమన్నాకు నానిలో అంతగా ఏం నచ్చిందబ్బా అంటే తన నాచురల్ నటనే అంటుంది ఈ అమ్మడు.
నాచురల్ స్టార్ గా క్రేజ్ మీదున్న నాని వరుసెంట విజయాలను తన ఖాతాలో వేసుకుంటున్నాడు. నానిలా నాచురల్ గా చేయడం చాలా కష్టమని.. అంతేకాదు అలాంటి పాత్రలు చాలా స్పూర్తిని ఇస్తాయని అంటుంది తమన్న. నాని చేసే సినిమాలే అతని వ్యక్తిత్వాన్ని కూడా చాటుతాయంటూ నానిని ఆకాశానికెత్తేస్తుంది మిల్కీ తమన్నా. మరి నానితో నేను రెడీ అన్నది కాబట్టి నాని తర్వాత సినిమాలో హీరోయిన్ గురించి వెతకాల్సిన పని లేదు అనుకుంటా మరి ఏ విషయంపై నాని ఏవిధంగా స్పందిస్తాడో ఏమో..!
