ద‌టీజ్ మ‌హాల‌క్ష్మి… ఈ పేరు ఎప్పుడో ఎక్క‌డో విన్న‌ట్టుంది క‌దా? హిందీ లో విజ‌య‌వంత‌మైన `క్వీన్‌`కి తెలుగు రీమేక్ ఇది. త‌మ‌న్నా క‌థానాయిక‌. `క్వీన్` రిమేక్‌ని ద‌క్షిణాది భాష‌ల్లో భారీ ఎత్తున ప్లాన్ చేశారు. ఏ ముహూర్తంలో ఈ రీమేకులు మొద‌లెట్టారో గానీ, అన్ని విధాలా, అన్ని వేళ‌లా ఆటంకాలే ఏర్ప‌డ్డాయి. ద‌ర్శ‌కులు మారుతూ మారుతూ.. వచ్చారు. మొద‌ట్లో ఈ చిత్రానికి నీల‌కంఠ ద‌ర్శ‌కుడు. స‌గం సినిమా తీసి, ఆయ‌న ఈ ప్రాజెక్టు నుంచి త‌ప్పుకున్నారు. ఆ త‌ర‌వాత ప్ర‌శాంత్ వ‌ర్శ మిగిలిన స‌గం తీశాడు. సినిమా పూర్త‌య్యింది.కానీ విడుద‌ల‌కు నోచుకోలేదు. ఇప్పుడు ఓటీటీ ద్వారా ఈసినిమాని విడుద‌ల చేయాల‌ని ప్లాన్ చేస్తున్నారు. త‌మిళ‌, మ‌ల‌యాళ‌, క‌న్న‌డ వెర్ష‌న్ల‌నూ ఓకేసారి ఓటీటీకి ఇచ్చేయాల‌ని నిర్మాత భావిస్తున్నారు. ఆమేజాన్ ప్రైమ్‌తో నిర్మాత ఒప్పందాలు చేసుకుంటున్నార‌ని.. ఈ వారంలో ఈ వ్య‌వ‌హారం ఓ కొలిక్కి వ‌చ్చే అవ‌కాశాలున్నాయ‌ని తెలుస్తోంది.