టాలీవుడ్‌లో హీరోలంతా డాన్సులు బాగా చేస్తారు. మ‌రి హీరోయిన్ల‌లో ఫ‌స్ట్ ప్లేస్ ఎవ‌రికి? ఈ ప్ర‌శ్న ఎప్పుడు త‌లెత్తినా.. త‌మన్నాని స‌మాధానంగా చెప్పుకోవాల్సిందే. ఎందుకంటే క‌థానాయిక‌ల్లో సూప‌ర్ డాన్స‌ర్ త‌మ‌న్నానే. స్టార్ హీరోల‌కు ధీటుగా స్టెప్పులేసే స‌త్తా త‌మ‌న్నాకే ఉంది. ఆమె డాన్సులు చూసి.. మ‌న హీరోలంతా ముక్కున వేలేసుకొన్న‌వారే! డాన్సుల‌పై త‌న‌కున్న ఇంట్ర‌స్ట్‌ని కూడా త‌మ‌న్నా చాలా సంద‌ర్భాల్లో బ‌య‌ట‌పెట్టింది. ఇప్పుడు త‌న‌కున్న డాన్సింగ్ టాలెంట్‌ని పూర్తి స్థాయిలో చూపించే అవ‌కాశం వ‌చ్చింది.. అదీ.. అభినేత్రిలో.

విజ‌య్ ద‌ర్శ‌క‌త్వం వ‌హిస్తున్న ఈచిత్రంలో ప్ర‌భుదేవా క‌థానాయ‌కుడిగా న‌టిస్తున్న సంగ‌తి తెలిసిందే. అభినేత్రి తొలి టీజ‌ర్‌లో కూడా ప్ర‌భుదేవా త‌న స్టెప్పుల‌తో అద‌ర‌గొట్టేశాడు. ఇప్పుడు త‌మ‌న్నా వంతు వ‌చ్చింది. ఈ సినిమాలో త‌మ‌న్నాపై ఓ బిట్ సాంగ్ కంపోజ్ చేశాడ‌ట ప్ర‌భుదేవా. అందులో త‌మ‌న్నా 60 సెక‌న్ల‌పాటు నాన్ స్టాప్ గా ఓ స్టెప్పువేసి అంద‌రికీ షాక్ ఇచ్చింద‌ట‌. ఆ స్టెప్ ఈ సినిమాకే ఓ మేజ‌ర్ హైలెట్‌గా నిల‌వ‌బోతోంద‌ని టాక్‌. త్వ‌ర‌లోనే ఆ స్టెప్‌ని క‌ట్ చేసి… టీజ‌ర్ రూపంలో వ‌దిలే ఛాన్స్ ఉంద‌ని తెలుస్తోంది. ఈ సినిమాలో త‌మ‌న్నా నార చీర క‌ట్టుకొని చాలా సంప్ర‌దాయ‌బ‌ద్దంగా క‌నిపిస్తోంది. అయితే పాట‌ల్లో మాత్రం సెక్సీ డాళ్ అవ‌తారం ఎత్త‌బోతోంద‌ట‌. మొత్తానికి అభినేత్రి సినిమాలో త‌మ‌న్నాలో ఉన్న కోణాల‌న్నీ బ‌య‌ట‌ప‌డ‌బోతున్నాయ‌న్న‌మాట‌.