పరిశ్రమలో పోటీ ఎంత ఉన్నా సరే ఏదైనా స్పెషల్ థింగ్ కోసం ఎంతటి వారైనా సరే ఓ మెట్టు దిగి పనిచేయడం జరుగుతుంది. ఇప్పుడు ఇద్దరు మ్యూజిక్ డైరక్టర్స్ కలిసి అదే పని చేస్తున్నారు. ప్రస్తుతం మిక్కి జె మేయర్ సంగీతం అందిస్తున్న ఒక అమ్మాయి తప్ప సినిమాలో ఓ స్పెషల్ సాంగ్ కోసం థమన్ వాయిస్ అయితే బాగుంటుంది అని అభిప్రాయపడ్డ మిక్కి జె మేయర్ దర్శక నిర్మాతల సహాయంతో థమన్ ను కలవడం తన మనసులోని కోరికని బయటపెట్టడం జరిగింది.
ఇక స్వతహాగా మిక్కి మెలోడీ మ్యూజిక్ ను ఇష్టపడే థమన్ మిక్కి ఇచ్చిన ఆఫర్ కు పాజిటివ్ గా రియాక్ట్ అయ్యి తన సంగీతంలో ఓ పాట పాడటానికి ఓకే చెప్పాడు. సందీప్ కిషన్, నిత్యా మీనన్ జంటగా నటిస్తున్న ఈ సినిమాను రాజసింహా దర్శకత్వం వహిస్తుండగా.. అంజి రెడ్డి నిర్మిస్తున్నారు. ప్రస్తుతం రన్, ఒక అమ్మాయి తప్ప సినిమాలతో ఫుల్ జోష్ తో ప్రేక్షకుల ముందుకు వచ్చేందుకు రెడీ అవుతున్నాడు సందీప్ కిషన్.
ఇక నిత్యా మీనన్ కూడా ఓ పక్క కుర్ర హీరోలతో జతకడుతూనే మరో పక్క స్టార్ హీరోల సరసన నటించే ఛాన్స్ లు దక్కించుకుంటుంది. మరి ఇద్దరి మ్యూజిక్ డైరక్టర్స్ కలయికలో వస్తున్న ఈ సినిమా ఎలాంటి ఫలితాన్ని అందుకుంటుందో చూడాలి.
