తరుణ్ భాస్కర్ కి నటనపై ఆసక్తి ఎక్కువే. తను తీసిన ‘కీడాకోలా’ నటుడిగా ఆయన్ని మరో మెట్టుఎక్కించింది. ప్రస్తుతం దర్శకుడిగా కథలు రాసుకోవడంతో పాటు నటుడిగా కూడా కొన్ని ప్రాజెక్ట్స్ సైన్ చేశారు.
సజీవ్ అనే దర్శకుడితో ఓ సినిమా చేస్తున్నాడు తరుణ్. మలయాళంలో విజయం సాధించిన ‘జయ జయ జయ హే’కి రిమేక్ గా ఈ సినిమా వుంబోతుందని సమాచారం. మొత్తం కథ కాకుండా అందులోని కోర్ పాయింట్ ని తీసుకొని తెలుగు ఆడియన్స్ అభిరుచికి తగట్టు మలిచారని తెలుస్తోంది. ఇందులో ఇషా రెబ్బా హీరోయిన్ గా నటిస్తోంది. ప్రస్తుతం రాజమండ్రిలో షూటింగ్ జరుగుతోంది. అక్టోబర్ లో సినిమాని విడుదల చేయడానికి సన్నాహాలు జరుగుతున్నాయి.
