తూర్పు గోదావరి జిల్లా తెలుగు దేశం పార్టీ అధ్యక్షుడు, మాజీ ఎమ్మెల్యేపర్వత సత్యనారాయణ మూర్తి (చిట్టిబాబు) ఆదివారం ఉదయం గుండెపోటుతో కాకినాడ అపోలో ఆసుపత్రిలో మరణించారు. ఆయన తండ్రి పర్వత సబ్బారావు, తల్లి బాపనమ్మ కూడా ఎమ్మెల్యేలుగా ఎన్నికయినవారే. చిట్టిబాబు 2009లో ప్రత్తిపాడు నుంచి తెదేపా ఎమ్మెల్యేగా ఎన్నికయ్యారు. ఆయన ఆకస్మిక మృతిపట్ల తెదేపా జాతీయ అధ్యక్షుడు చంద్రబాబు నాయుడు, రాష్ట్ర అధ్యక్షుడు కళా వెంకట్రావు, పార్టీ ప్రధాన కార్యదర్శి నారా లోకేష్, తెదేపా నేతలు తీవ్ర సంతాపం తెలిపారు. ఈరోజు సాయంత్రం ఆయన స్వగ్రామమయిన శంఖవరంలో చిట్టిబాబు అంత్యక్రియలు జరుగుతాయి.