తెదేపా సీనియర్ నేత మరియు మాజీ మంత్రి మెట్ల సత్యనారాయణ అనారోగ్యంతో ఈరోజు ఉదయం హైదరాబాద్ లోని నీమ్స్ ఆసుపత్రిలో కన్ను మూశారు. గత కొంత కాలంగా ఆయన తీవ్ర అనారోగ్యంతో బాధపడుతుండటంతో కుటుంబ సభ్యులు ఆయనని నీమ్స్ ఆసుపత్రిలో చేర్పించి వైద్యం అందిస్తున్నారు. ఆయన తూర్పుగోదావరి జిల్లాలో అమలాపురం నుంచి శాసనసభకు వరుసగా మూడు సార్లు ఎన్నికయ్యారు. 1996 నుంచి మూడేళ్ళ పాటు చంద్రబాబు నాయుడు మంత్రివర్గంలో ఆరోగ్యశాఖామంత్రిగా పనిచేసారు. ఆయన ఉపముఖ్యమంత్రి నిమ్మకాయల చినరాజప్పకు దగ్గర బందువు.