హనుమాన్ తో పాన్ ఇండియా హీరో అయిపోయాడు.. తేజా స‌జ్జా. హనుమాన్ త‌ర‌వాత తేజా ఏ సినిమా చేసినా… దానికంటే స‌ప‌రేట్ క్రేజ్ ఉంటుంది. ప్ర‌స్తుతం తేజా ‘మిరాయ్‌’ అనే సినిమా చేస్తున్న సంగ‌తి తెలిసిందే. కార్తీక్ ఘ‌ట్ట‌మ‌నేని ద‌ర్శ‌క‌త్వం వ‌హిస్తున్న ఈ చిత్రాన్ని పీపుల్ మీడియా ఫ్యాక్ట‌రీ సంస్థ నిర్మిస్తోంది. 2025 ఏప్రిల్ లో ఈ చిత్రాన్ని విడుద‌ల చేస్తున్నారు. ప్ర‌స్తుతం షూటింగ్ శ‌ర వేగంగా సాగుతోంది. ఈ సినిమాకు సంబంధించిన ఆడియో రైట్స్ ని టిప్స్ సంస్థ రూ. 2.75 కోట్ల‌కు కొనుగోలు చేసింది. తేజా సినిమాకు ఇది మంచి రేటే. గౌరి హ‌ర ఈ చిత్రానికి సంగీతం అందిస్తున్నారు. గౌరీ హ‌ర బ్యాక్ గ్రౌండ్ స్కోర్ బాగుంటుంది. కానీ ఆడియో ప‌రంగా పెద్ద‌గా హిట్ పాట‌లేవీ రాలేదు. అయినా స‌రే రూ.2.75 కోట్లు ప‌ల‌క‌డం విశేష‌మే.
మంచు మ‌నోజ్ ఈ చిత్రంలో ప్ర‌తినాయ‌కుడిగా క‌నిపించ‌బోతున్నాడు. దుల్క‌ర్ స‌ల్మాన్ కూడా ఓ కీల‌క పాత్ర పోషిస్తున్న‌ట్టు తెలుస్తోంది. ఈ పాత్ర‌కు సంబంధించిన విష‌యాల్ని చిత్ర‌బృందం గోప్యంగా ఉంచుతోంది. యాక్ష‌న్ ఎడ్వైంచ‌ర్ నేప‌థ్యంలో సాగే సినిమా ఇది. ఇందులోనూ తేజా ఓ సూప‌ర్ హీరోగా క‌నిపించ‌బోతున్నాడ‌ని స‌మాచారం. రితికా నాయ‌క్ క‌థానాయికగా న‌టిస్తోంది. పీపుల్ మీడియా ఫ్యాక్ట‌రీ చేతిలో `రాజా సాబ్` ఉన్న సంగ‌తి తెలిసిందే. ‘రాజా సాబ్’ త‌ర‌వాత పీపుల్ మీడియా ఈ సినిమాపై ఎక్కువ న‌మ్మ‌కాలు పెట్టుకొంది. ‘హనుమాన్’ కంటే ముందు ప‌ట్టాలెక్కాల్సిన సినిమా ఇది. ‘హనుమాన్’ వ‌ల్ల ఆల‌స్య‌మైంది. అది పీపుల్ మీడియా ఫ్యాక్ట‌రీకి ప్ల‌స్సే అయ్యింది. ‘హనుమాన్’ వ‌ల్ల పెరిగిన మార్కెట్ ఇప్పుడు క్యాష్ చేసుకొనే అవ‌కాశం ఉంది.
