తెలుగు ఫిల్మ్ ఛాంబర్ ఆఫ్‌ కామర్స్‌ కీలక నిర్ణయం తీసుకుంది. ఇకపై ప్రతి ఏడాది ఛాంబర్ తరఫున ఉత్తమ ప్రదర్శన కనబరిచిన చిత్రాలు, నటీనటులకు అవార్డులు ఇవ్వాలని నిర్ణయించింది. తెలుగు సినిమా పుట్టిన రోజును పురస్కరించుకొని ప్రతి సంవత్సరం ఫిబ్రవరి 6వ తేదీన ఈ అవార్డుల ప్రదానోత్సవం నిర్వహించనుంది.
ప్రభుత్వం ఇచ్చే అవార్డులతో పాటు ఫిల్మ్ ఛాంబర్ నుంచి అవార్డులు ఉంటాయని , తెలుగు సినిమా పుట్టినరోజున ప్రతి సినిమా నటుడు ఇంటిపై, థియేటర్ల వద్ద ప్రత్యేకంగా జెండా ఆవిష్కరించాలని, తెలుగు సినిమా పుట్టినరోజు జెండా రూపకల్పన బాధ్యతను పరిచూరి గోపాలకృష్ణకు అప్పగించింది ఫిల్మ్ ఛాంబర్.
