మాస్ కి నచ్చే మెలోడీ సాంగులు చేయడంలో దేవిశ్రీ ప్రసాద్ దిట్ట. ఆయన మెలోడీని ఎత్తుకోవడంలో ఒక మాస్ టచ్ వుంటుంది. ‘తండేల్’ ఫస్ట్ సింగిల్ లో ఈ మాస్ మెలోడీ కనిపించింది. నాగ చైతన్య, సాయి పల్లవి జంటగా నటిస్తున్న సినిమా ఇది. చందూ మొండేటి దర్శకత్వం. ఈ రోజు ఫస్ట్ సింగిల్ రిలీజ్ చేశారు

ఇదొక లవ్ సాంగ్. దేవి కంపోజ్ చేసి ట్యూన్ అందరికీ కనెక్ట్ అయ్యేలా వుంది. ట్యూన్, వాయిద్యాలని హడావిడి లేకుండా గ్రౌండెడ్ గా వుంచి సింపుల్ బీట్స్ ఈ పాటని క్యాచిగా రెడీ చేశారు. శ్రీమణి రాసిన లిరిక్స్ ఆకట్టుకునేలా వున్నాయి. జావేద్ అలీ వాయిస్ మరో ఆకర్షణ. లిరికల్ వీడియోలో లీడ్ పెయిర్ జర్నీ, బాండింగ్ ని చూపించారు. నాగ చైతన్య, సాయి పల్లవి కెమిస్ట్రీ అందంగా వుంది. పాట మళ్ళీ మళ్ళీ వినేలానే వుంది.

ఆంధ్రప్రదేశ్‌లోని శ్రీకాకుళం జిల్లాలోని డి మచ్చిలేశం గ్రామంలో జరిగిన యధార్ద సంఘటనల స్ఫూర్తితో ఈ చిత్రం రూపొందింది. అల్లు అరవింద్ సమర్పణలో బన్నీ వాస్ నిర్మిస్తున్నారు. ఫిబ్రవరి 7న సినిమా విడుదల కానుంది.