ఈ ఫిబ్ర‌వ‌రి 7న రాబోతున్న సినిమా తండేల్‌. నాగ‌చైత‌న్య, సాయి ప‌ల్ల‌వి జంట‌గా న‌టించారు. చందూ మెండేటి ద‌ర్శ‌కుడు. గీతా ఆర్ట్స్ రూపొందించింది. ప్ర‌చార కార్య‌క్ర‌మాలు మొద‌ల‌య్యాయి. ఈ సంద‌ర్భంగా ట్రైల‌ర్ విడుద‌ల చేశారు.

ట్రైల‌ర్‌లో ప్రేమ‌, దేశ‌భ‌క్తి, ఎమోష‌న్స్‌కి పెద్ద పీట వేశారు. `తండేల్` అంటే అర్థం ఏమిటో వివ‌రించారు. తండేల్ అంటే ఓన‌ర్ కాదు… లీడర్ అని చెప్ప‌డంలో ఈ సినిమాలోని హీరో క్యారెక్ట‌రైజేష‌న్ ఎలా ఉండ‌బోతోందో చెప్ప‌క‌నే చెప్పింది. చైతూ – సాయి ప‌ల్ల‌వి మ‌ధ్య కెమిస్ట్రీ.. మ‌రోసారి బాగా వ‌ర్క‌వుట్ అయిన‌ట్టు క‌నిపిస్తోంది. విజువ‌ల్స్ బాగున్నాయి. దేవిశ్రీ ప్ర‌సాద్ ఇచ్చిన ఆర్‌.ఆర్ ఇంకా బాగా కుదిరింది. న‌డి సంద్రాన నావ‌తో పోరాటం… గ‌గుర్పాటుకు గురి చేసేలా ఉంది. ట్రైల‌ర్ లో క‌థేమిటో చూచాయిగా చెప్పేశారు. ఆ వ‌ర‌ల్డ్ లోకి ప్రేక్ష‌కుల్ని తీసుకెళ్లారు. డైలాగ్స్ బాగున్నాయి. సాయి ప‌ల్ల‌వి మ‌రోసారి విజృంభించేసి ఉంటుంద‌ని ట్రైల‌ర్‌లోని కొన్ని షాట్లు చూస్తుంటే అర్థ‌మ‌వుతోంది. చైతూ కెరీర్‌లో చాలా ముఖ్య‌మైన సినిమా ఇది. కాబ‌ట్టి త‌ను కూడా క‌ష్ట‌ప‌డ్డాడు. సాయి ప‌ల్ల‌వి లాంటి న‌టి ఎదురుగా ఉంటే.. న‌ట‌న‌లోనూ త‌ప్ప‌కుండా వైవిధ్యం చూపించాల్సిందే. చైతూ క్యారెక్ట‌ర్‌లో అది క‌నిపిస్తోంది. ఈ సినిమాపై ఇప్ప‌టికే మంచి అంచ‌నాలు ఏర్ప‌డ్డాయి. ఈ ట్రైల‌ర్‌తో అవి ఇంకాస్త పెరిగాయి.