పెళ్లి చూపులు సినిమాతో ద‌ర్శ‌కుడిగా త‌న మార్క్ చూపించుకున్నాడు త‌రుణ్ భాస్క‌ర్‌. ఆ త‌ర‌వాత.. `ఈ న‌గ‌రానికి ఏమైంది` సినిమాని రూపొందించాడు. ఇప్పుడు వెంక‌టేష్ తో ఓ సినిమా చేయ‌డానికి ప్లాన్ చేస్తున్నాడు. ఈలోగా హీరోగానూ అవ‌తారం ఎత్తాడు. `మీకు మాత్ర‌మే చెప్తా` న‌వంబ‌రు 1న విడుద‌ల కానుంది. ఇప్పుడు వెస్ సిరీస్ లు రూపొందించ‌డానికి కూడా ప్లాన్ చేస్తున్నాడు. నెట్ ఫ్లిక్స్‌లో సంచ‌ల‌నం రేపిన ‘ల‌స్ట్ స్టోరీస్’ సీజ‌న్ 2 ప్రారంభం కాబోతోంది. ఇందులో కొన్ని ఎపిసోడ్ల‌కు త‌రుణ్ ద‌ర్శ‌క‌త్వం వ‌హిస్తాడు. అంతేకాదు.. ‘ఈ న‌గ‌రానికి ఏమైంది’కి సీక్వెల్‌గా ‘ఈ న‌గ‌రానికి ఏమైంది 2’ సీక్వెల్ క‌థ రాసుకున్నాడు త‌రుణ్ భాస్క‌ర్‌. అది కూడా వెబ్ సిరీస్‌గానే రూపొంద‌నుంది. ‘ఈ న‌గ‌రానికి ఏమైంది’లో న‌టించిన న‌టీన‌టులే ఈ వెబ్ సిరీస్‌లోనూ క‌నిపించే అవ‌కాశాలున్నాయి.

వెంక‌టేష్‌తో సినిమా డిసెంబ‌రులో లాంఛ‌నంగా ప్రారంభించే అవ‌కాశాలున్నాయి. 2020 జ‌న‌వ‌రిలో షూటింగ్ మొద‌ల‌వుతుంది. వెంకీ 75వ సినిమాగా దీన్ని రూపొందిస్తున్నారు. ఇదో స్ట్పోర్ట్స్ డ్రామా. ‘వెంకీ మామ‌’ త‌ర‌వాత అసుర‌న్ రీమేక్‌లో్ న‌టిస్తారు వెంకీ. ఆ సినిమా షూటింగ్‌లో ఉండ‌గానే త‌రుణ్ భాస్క‌ర్ సినిమా కూడా ప‌ట్టాలెక్క‌బోతోంది.