వరుణ్‌తేజ్‌ వయసు తక్కువే కానీ… హైటే బాగా ఎక్కువ. అందుకే, మొన్న బర్త్ డే విషెస్ చెప్పినప్పుడు రామ్ చరణ్ అన్నయ్య అని విష్ చేశాడు. వరుణ్ ఒడ్డూ పొడుగూ పక్కన అతని కంటే వయసు ఎక్కువున్న అమ్మాయిలి తీసుకున్నా పర్వాలేదనుకున్నారేమో ‘తొలిప్రేమ’ దర్శక-నిర్మాతలు! వరుణ్ కంటే నాలుగేళ్లు పెద్దది అయిన సప్నా పబ్బిని సినిమాలో స్మాల్ అండ్ ఇంపార్టెంట్ క్యారెక్టర్ కోసం సెలెక్ట్ చేశారు.
‘తొలిప్రేమ’లో ఆల్రెడీ విడుదలైన ‘సునోనా సునైనా…’ పాటుంది కదా! ఆ పాట ప్రోమోలో చిట్టి పొట్టి నిక్కరు వేసుకుని సందడి చేసిన అమ్మాయే సప్నా పబ్బి. తెలుగులో ‘తొలిప్రేమ’ ఆమెకు తొలి సినిమా. ఇక్కడి ప్రేక్షులకు సప్నా పెద్దగా తెలీదు కానీ… హిందీలో చాలా ఫేమస్. ‘ఘర్ ఆజా పరదేశి’ సీరియల్, ’24’ టీవీ షోలు చేసింది. భట్ క్యాంపు తీసిన ‘కామోషియాన్’లో కథానాయికగా వెండితెరపై అడుగుపెట్టింది. ఆ సినిమా రిజల్ట్ పక్కన పెడితే… సూపర్ హాట్ యాక్టింగ్ తో ప్రేక్షకులను ఆకట్టుకుంది. ‘తొలిప్రేమ’లో ‘సునోనా సునైనా…’ పాటతో పాటు వరుణ్ లండన్ లో ఉన్నప్పుడు అతని ఫ్రెండ్ గా కనిపిస్తుందని సమాచారం. వరుణ్ వయసు 28 అయితే, ఆమెది 32. పాటలో ఏజ్ డిఫరెన్స్ తెలియడం లేదు. సినిమాలోనూ అంతే ఉంటుందనుకోవచ్చు. రాశీ ఖన్నా కథానాయికగా నటించిన ఈ సినిమా ఫిబ్రవరి 9న విడుదలవుతోంది.
