నాని సినిమా అంటే దాదాపుగా సోలో హీరోయినే ఉంటుంది. ఈమ‌ధ్య హీరోయిన్ల సంఖ్య‌ని రెండుకు పెంచుకుంటూ వ‌చ్చాడు. ఇప్పుడు ముగ్గురు హీరోయిన్ల క‌థ‌ని ఎంచుకున్నాడు. నాని క‌థానాయ‌కుడిగా తెర‌కెక్క‌బోతున్న చిత్రం `శ్యాం సింగ‌రాయ్‌`. రాహుల్ సంకృత్య‌న్ ద‌ర్శ‌కుడు. ఈ చిత్రంలో ఇద్ద‌రు హీరోయిన్లు ఫిక్స‌య్యారు. సాయి ప‌ల్ల‌వి, కృతి శెట్టి ల‌ను క‌థానాయిక‌లుగా ఎంచుకున్నారు. ఇప్పుడు మూడో హీరోయిన్ కూడా అవ‌స‌ర‌మైంద‌ట‌. ఆ పాత్ర కోసం నివేదా థామ‌స్‌, నివేదా పేతురాజ్‌, అతిథిరావు హైద‌రీ.. లాంటి పేర్లు ప‌రిశీల‌న‌లో ఉన్నాయి. మూడో పాత్ర దాదాపు గెస్ట్ రోలే అనుకోవొచ్చు. రెండు మూడు సీన్ల‌కే ప‌రిమితమ‌ట‌. అయితే క‌థ‌లోని మ‌లుపుకి ఆ పాత్ర కీల‌క‌మ‌ని తెలుస్తోంది. అందుకే పేరున్న అమ్మాయినే తీసుకోవాల‌ని భావిస్తున్న‌ట్టు స‌మాచారం. నాని ప్ర‌స్తుతం `ట‌క్ జ‌గ‌దీష్‌`తో బిజీగా ఉన్నాడు. ఆసినిమా పూర్త‌యిన వెంట‌నే… అంటే డిసెంబ‌రు లో `శ్యామ్ సింగ‌రాయ్‌`ని సెట్స్‌పైకి తీసుకెళ్తారు.