ద‌స‌రా క‌ళ బాక్సాఫీసు ద‌గ్గ‌ర కూడా క‌న‌ప‌డుతోంది. వ‌రుస‌గా మూడు సినిమాలు, ప్రేక్ష‌కుల ముందుకు రావ‌డానికి సిద్ధ‌మ‌య్యాయి. మ‌హా స‌ముద్రం, మోస్ట్ ఎలిజిబుల్ బ్యాచిలర్, పెళ్లి సందD… ఈ ద‌స‌రాకి టాలీవుడ్ ఇస్తున్న కానుక‌లు.
మూడూ ఆస‌క్తిక‌ర‌మైన చిత్రాలే. ఆర్‌.ఎక్స్ 100 త‌ర‌వాత అజ‌య్ భూప‌తి చేసిన సినిమా మ‌హా స‌ముద్రం. శ‌ర్వా, సిద్దార్థ్ క‌లిసి న‌టించారు. టీజ‌ర్‌, ట్రైల‌ర్ రెండూ ఆకట్టుకున్నాయి. ప్రేమ‌కీ, స్నేహానికీ, ప‌గ‌కీ,పంతానికీ జ‌రిగిన పోరాటం – ప్రచార చిత్రాల్లో క‌నిపిస్తోంది. ఇంటెన్సిటీ అర్థ‌మ‌వుతోంది. క‌చ్చితంగా చూడ‌ద‌గిన సినిమా అనిపిస్తోంది. ఈ ద‌స‌రాకి వ‌స్తున్న సినిమాల్లో మ‌హా స‌ముద్రంకి మంచి ఓపెనింగ్స్ వ‌చ్చే అవ‌కాశాలు పుష్క‌లంగాఉన్నాయి.
మోస్ట్ ఎలిజిబుల్ బ్యాచిలర్ రాక కోసం చాలా కాలంగా ఎదురు చూస్తున్నారు అభిమానులు. అనేక‌మార్లు వాయిదా ప‌డి ఎట్ట‌కేల‌కు విడుద‌ల అవుతోంది. అఖిల్ కి ఓ హిట్టు అత్య‌వ‌స‌రం. త‌ను ఈ సినిమాపైనే ఆశ‌లు పెట్టుకున్నాడు. పూజా హెగ్డే.. ఈ సినిమాకి ప్ర‌ధాన ఆక‌ర్ష‌ణ. త‌న కోస‌మైనా థియేట‌ర్లు నిండుతాయ‌ని అక్కినేని ఫ్యాన్స్ ఆశ ప‌డుతున్నారు. బొమ్మ‌రిల్లు భాస్క‌ర్ కంటూ ఓ ప్ర‌త్యేక అభిమాన గ‌ణం ఉంది. త‌న నుంచి మ‌రో బొమ్మ‌రిల్లు ఆశిస్తున్నారు ఫ్యాన్స్. పాట‌లు ఇప్పటికే హిట్టు. కాబ‌ట్టి – ఈ సినిమా మంచి ఓపెనింగ్స్ రాబ‌ట్టుకోవొచ్చు.
పాతికేళ్ల క్రితం పెళ్లి సంద‌డితో మ్యాజిక్ చేశాడు రాఘ‌వేంద్ర‌రావు. అప్పుడు శ్రీ‌కాంత్ ని స్టార్ గా మారిస్తే.. ఇప్పుడు శ్రీ‌కాంత్ త‌న‌యుడు రోష‌న్ ని హీరోగా చేశాడు. పెళ్లి సందD తో. గౌరి ద‌ర్శ‌కురాలు. అయితేనేం.. ప్రచార చిత్రాల్లో రాఘవేంద్రుడి మార్క్ అచ్చంగా క‌నిపిస్తోంది. కీర‌వాణి పాట‌లు ఇప్పటికే హిట్టు. కొత్త‌వాళ్ల‌తో ఇది వ‌ర‌కు కొన్ని అద్భుతాలు సృష్టించారు రాఘ‌వేంద్ర‌రావు. ఈసినిమాకీ త‌క్కువ అంచ‌నా వేయ‌డానికి వీల్లేదు. పైగా పండ‌గ సీజ‌న్‌లో వ‌స్తోంది.
ఇలా.. ఈవారం బాక్సాఫీసు సంద‌డిగానే క‌నిపించ‌బోతోంది. సినిమా బాగున్నా – థియేట‌ర్ల‌కు రావ‌డానికి భ‌య‌ప‌డుతున్నారు ప్రేక్ష‌కులు. ఈ ద‌స‌రాతో… ఆ భ‌యాలు తొల‌గిపోవాల‌ని చిత్ర‌సీమ ఆశిస్తోంది.
