‘యానిమ‌ల్‌’తో సూప‌ర్ డూప‌ర్ హిట్టు కొట్టాడు సందీప్ రెడ్డి వంగా. ఈ సినిమాతో సందీప్ పేరు మ‌రోసారి బాలీవుడ్ లో మార్మోగిపోయింది. ఈ హిట్ తో.. ‘స్పిరిట్‌’పై అంచ‌నాలు మ‌రింత‌గా పెరిగిపోయాయి. ప్ర‌భాస్‌ని సందీప్ ఎలా చూపిస్తాడో.. అంటూ ఫ్యాన్స్ ఉత్సాహంతో ఎదురు చూస్తున్నారు. ఈ సినిమాకి సంబంధించి ప్రీ ప్రొడ‌క్ష‌న్ వ‌ర్క్‌ని సందీప్ రెడ్డి వంగా ఇప్ప‌టికే మొద‌లెట్టిన‌ట్టు తెలుస్తోంది. ఈయేడాది డిసెంబ‌రులో షూటింగ్ ప్రారంభించ‌డానికి సన్నాహాలు చేస్తున్నాడ‌ని ప్లాన్‌. ప్ర‌భాస్ కూడా.. ‘డిసెంబ‌రు నుంచి నేను రెడీ’ అంటూ సందీప్‌కి సంకేతాలు పంపాడ‌ని తెలుస్తోంది.

ఈ సినిమాలో హీరోయిన్ కోసం సందీప్ రెడ్డి ఇప్ప‌టికే ఓ అంచ‌నాకు వచ్చిన‌ట్టు తెలుస్తోంది. హీరోయిన్‌గా ర‌ష్మిక, కీర్తి సురేష్‌, మృణాల్ ఠాకూర్ పేర్లు ప‌రిశీల‌న‌లో ఉన్నాయి. వీళ్ల‌లో ఒక‌రు ప్ర‌భాస్ ప‌క్క‌న న‌టించ‌డం ఖాయం. ప్ర‌భాస్ – హ‌ను రాఘ‌వ‌పూడి కాంబోలో ఓ చిత్రం రూపుదిద్దుకోనుంది. ఇందులో మృణాల్ క‌థానాయిక‌గా న‌టించ‌నుంద‌ని టాక్‌. ఆ సినిమాలో గ‌నుక మృణాల్ హీరోయిన్‌గా ఫిక్స‌యితే.. ‘స్పిరిట్లో’ ర‌ష్మిక గానీ, కీర్తి గానీ న‌టిస్తారు. ప్ర‌భాస్ ప‌క్క‌న ఇప్ప‌టి వ‌ర‌కూ న‌టించ‌ని క‌థాlఆయిక‌ని హీరోయిన్‌గా తీసుకురావాల‌న్న‌ది సందీప్ ప్లాన్. ‘యానిమ‌ల్‌’లో ర‌ష్మిక వ‌ర్క్ తో ఇంప్రెస్ అయిన సందీప్‌… మ‌రోసారి ఆమెనే ఎంచుకొనే అవ‌కాశాలు పుష్క‌లంగా ఉన్నాయి.