పవర్ స్టార్ పవన్ కళ్యాణ్ ప్రస్తుతం చేస్తున్న సర్ధార్ సినిమా షూటింగ్ మళ్లీ షురూ చేశారు. మొన్నటిదాకా పవన్ కళ్యాణ్ రాక కోసం ఎదురు చూసిన చిత్ర యూనిట్ పవర్ స్టార్ రావడంతో షూటింగ్ స్పీడప్ చేసింది. గబ్బర్ సింగ్ సినిమాకు సీక్వెల్ గా వస్తున్న ఈ సినిమాను రవితేజకు ‘పవర్’ లాంటి సూపర్ బ్లాక్ బస్టర్ హిట్ ఇచ్చిన రవిందర్ (బాబీ) ఈ సినిమాను డైరెక్ట్ చేస్తున్నాడు. సరదాగా సాగిపోతున్న ఈ చిత్రం షూటింగ్లో పవన్ కళ్యాణ్ తో సెల్ఫీ దిగిన బ్రహ్మాజి ఆ ఫోటోని తన అఫిషియల్ ఫేస్ బుక్ పేజ్లో షేర్ చేశాడు.
పవర్ స్టార్ తో పాటుగా బ్రహ్మాజీ, ఆలి కూడా ఉన్న ఈ పిక్ ఇప్పుడు సోషల్ నెట్ వర్కింగ్ సైట్లలో హల్ చల్ చేస్తూ సందడి చేస్తుంది. సినిమా షూటింగ్ టైంలో సరదాగా దిగిన ఈ సెల్ఫీ ఫ్యాన్స్ ని బాగా ఆకట్టుకుంది. కాజల్ హీరోయిన్ గా చేస్తున్న ఈ సినిమాలో పవర్ స్టార్ తో కెవ్వు కేక అనేందుకు సిద్ధమైంది రాయ్ లక్ష్మి.
శరత్ మారర్ నిర్మిస్తున్న ఈ సినిమాను ఈరోస్ ఇంటర్నేషనల్ వారు రిలీజ్ చేయనున్నారు. సేల్ఫీ చూస్తుంటే సినిమా సరదాగా షూటింగ్ ఆటపాటలతో జరుగుతుందనిపిస్తుంది. శరవేగంగా షూటింగ్ అవుతున్న ఈ సినిమాను సంక్రాంతి బరిలో దించేందుకు రంగం సిద్దం చేస్తున్నారు దర్శక నిర్మాతలు. మరోసారి గబ్బర్ సింగ్ గా వస్తున్నా ఈ సర్దార్ ఎలాంటి హిట్ కొడతాడో చూడాలి.
