కింగ్ నాగార్జున మరోసారి తన భక్తిరస పారవశ్వాన్ని చూపించడానికి రెడీ అయ్యాడు. అన్నమయ్య, శ్రీ రామదాసు లాంటి సినిమాలు తీసి కమర్షియల్ గా సూపర్ హిట్ కొట్టిన రాఘవేంద్ర రావు, నాగార్జునల కాంబినేషన్ ఇప్పుడు మరో సినిమా తీయనున్నట్టు తెలిసిందే. బాబా హథీ రామ్ జి జీవిత కథాంశంతో వస్తున్న ఈ సినిమాకు టైటిల్ కూడా ఖరారు చేసినట్టు తెలుస్తుంది.
శిరిడి సాయి సినిమాలో సాయిబాబాగా కనిపించి ప్రేక్షకుల మన్నలను పొందిన నాగార్జున మరోసారి హథీరాం బాబాగా కనిపించనున్నారు. ఈ సినిమాకు ‘ఓం నమో వెంకటేశ’ అనే టైటిల్ పెట్టబోతున్నారట చిత్ర యూనిట్. కొద్దికాలం గ్యాప్ తో దర్శకేంద్రుడు మెగా ఫోన్ పట్టబోతున్న ఈ సినిమా త్వరలో మొదలవనుంది. అన్నమయ్య, శ్రీరామదాసు సినిమాల్లో భక్తుడిగా అలరించిన నాగార్జున ఈ నమో వెంకటేశతో ఎలా అలరిస్తాడో చూడాలి.
