దశాబ్ద కాలంగా తన నటనతో ఆకట్టుకున్న అందాల భామ త్రిష ఇప్పుడు కాస్త తనలో ఉన్న నటనతో పాటుగా అందాలతో కూడా ప్రేక్షకులను ఆకట్టుకునేందుకు సిద్ధమైంది. ప్రస్తుతం నాయకి, అరణ్మయి-2 లో నటిస్తున్న ఈ భామ తర్వాత చేయబోయే ధనుష్ సినిమాలో విలన్ గా నటిస్తుందట. టాప్ హీరోయిన్ గా ఉన్నా ధనుష్ తో చేసే మొదటి సినిమా ఇది కాగా ఇందులో కూడా అమ్మడు ప్రతి నాయకి ఛాయలున్న పాత్ర పోషించడం విశేషం.
వేల్ రాజా దర్శకత్వం వహిస్తున్న ఈ సినిమాలో త్రిష విలన్ గా నటిస్తుంది. అంతేకాదు తన కెరియర్ లో ప్రతి నాయిక చాయలున్న పాత్రలో నటించడం కూడా ఇదే మొదటిసారి. చీకటి రాజ్యం సినిమాతో 50 సినిమాలను సక్సెస్ ఫుల్ గా పూర్తి చేసుకున్న త్రిష వరుసెంట సినిమాలతో ఫుల్ బిజీగా మారింది.
ధనుష్ లాంటి విలక్షణ నటుడి సినిమాలో త్రిష కూడా తన విలక్షణమైన నటనతో ఆకట్టుకునేందుకు సిద్ధమవుతుంది. క్రేజీ కాంబోగా వస్తున్న ఈ సినిమా ఎలాంటి సంచలనాలను సృష్టిస్తుందో చూడాలి. ప్రస్తుతం ప్రి ప్రొడక్షన్ వర్క్ జరుపుకుంటున్న ఈ సినిమా త్వరలో మొదలవనుంది.
