త్రివిక్రమ్ సినిమా అంటేనే మాట‌ల ఖ‌జానా. మాట‌ల‌తో మాయ చేస్తాడు. పంచ్‌ల‌తో ప‌డేస్తాడు. లోతైన భావాల్ని సున్నితంగానే చెబుతాడు. తీయ‌ని చుర‌క‌ల్ని అంటిస్తాడు.. మ‌ళ్లీ త‌నే మందురాస్తాడు. అందుకే.. త్రివిక్రమ్ సినిమా అంటే అంత క్రేజ్‌. ఇప్పుడు అత‌న్నుంచి మ‌రో సినిమా వ‌స్తోంది. అదే.. అఆ. పాట‌ల‌తో పాటు ట్రైల‌ర్ కూడా… బ‌య‌ట‌కు వ‌చ్చేసింది. టైటిల్ ఎంత అందంగా ఉందో.. ట్రైల‌ర్ కూడా అంతే ముచ్చ‌ట‌గా ఉంది. స‌మంత యాంగిల్ లోంచి ఈ ట్రైల‌ర్ మొద‌లైంది. ప్ర‌తీ క‌థ‌కూ… ఓ బిగినింగ్‌, ఓ ట్విస్ట్,. ఎండింగ్ ఉంటాయి అంటూ స‌మంత త‌న క‌థ చెప్ప‌డం మొద‌లెట్టింది. బిగినింగ్‌, ట్విస్టూ చెప్పి.. ఎండింగ్ ద‌గ్గ‌ర ముడి వేసింది. ఈ ట్రైల‌ర్ లో చిన్న పాటి క‌థ చెప్పే ప్ర‌య‌త్నం చేశాడు త్రివిక్రమ్. అన్న‌ట్టు.. త‌న ప్రియ మిత్రుడు ప‌వ‌న్‌క‌ల్యాణ్‌ని ప్ర‌స్తావించ‌డం మ‌ర్చిపోలేదు.
త్రివిక్రమ్ ఈసినిమాని ఓ విజువ‌ల్ ఫీస్ట్ తా తీర్చిదిద్దడానికి ప్ర‌య‌త్నించిన‌ట్టు అర్థ‌మ‌వుతుంది. `నేను రాసేసిన డైరీని మ‌ళ్లీ తిర‌గేస్తున్నా` అంటూ.. త్రివిక్రమ్ వ్యాఖ్యానించ‌డాన్ని బ‌ట్టి చూస్తే… అఆ క‌థ అత‌ని క‌థేనేమో అన్న అనుమానం క‌లుగుతోంది. త్రివిక్రమ్ కోరుకొంటే పెద్ద హీరో దొరుకుతాడు. భారీ క‌మ‌ర్షియ‌ల్ హంగుల‌తో ఓ సినిమా తీయొచ్చు. కానీ.. అఆ అంటూ అంద‌మైన పేరు పెట్టి, ఆహ్లోద‌క‌రమైన వాతావ‌ర‌ణంలో ఓ సినిమా తీసే ప్ర‌య‌త్నం చేశాడు. క‌చ్చితంగా అఆ ఈ ఎండాకాలంలో .. ఓ చ‌ల్ల‌టి సాయింత్రంలాంటి అనుభూతి ఇస్తుంద‌న‌డంలో ఎలాంటి సందేహం లేదు. ఆల్ ద బెస్ట్ త్రివిక్రమ్.
