త్రివిక్ర‌మ్ సినిమా అ..ఆ విడుద‌ల‌కు సిద్ధ‌మైంది. జూన్ 2న ప్రేక్ష‌కుల ముందుకు రానుంది. సెన్సార్ కూడా పూర్త‌యిపోయింది. అంద‌రూ అనుకొన్న‌ట్టే క్లీన్ యూ స‌ర్టిఫికెట్ వ‌చ్చేసింది. మ‌రి ఈ సినిమా ఎలా ఉంది? సెన్సార్ రిపోర్ట్ ఏమిటి? ఇన్ సైడ్ వ‌ర్గాల టాక్ ఏమిటి?

• అ..ఆ… కోసం త్రివిక్ర‌మ్ త‌న శైలిని పూర్తిగా మార్చిన‌ట్టు తెలుస్తోంది. త్రివిక్ర‌మ్ సినిమా అంటే పంచ్ డైలాగులు ఎక్కువ. కానీ ఈ సినిమా కోసం మాత్రం పంచ్‌ల డోసు బాగా త‌గ్గించాడ‌ట‌. మాట‌లు మ‌రీ పొదుపుగా వాడి… అస‌లు విష‌యాన్ని విజువ‌ల్‌గా చూపించడానికి ట్రై చేశాడ‌ని చెప్పుకొంటున్నారు.
• లేడీ క్యారెక్ట‌ర్ల డామినేష‌న్ ఈ సినిమాలో ఎక్కువ‌గా క‌నిపించింద‌ని టాక్‌. స‌మంత‌, న‌దియా, అనుప‌మ ప‌ర‌మేశ్వ‌ర‌న్‌, అన‌న్య క్యారెక్ట‌ర్లు బాగా డిజైన్ చేసుకొన్నాడ‌ట త్రివిక్ర‌మ్‌. వాళ్ల‌తో పోలిస్తే… నితిన్ పాత్ర‌కున్న ప్రాధాన్యం కాస్త త‌గ్గినా, ఈసినిమాతో నితిన్‌కి ఓ స‌రికొత్త ఇమేజ్ వ‌స్తుంద‌ని టాక్‌.
• త్రివిక్ర‌మ్ గ‌త సినిమాల్లో సునీల్ పాత్ర‌కు మంచి ప్రాధాన్యం ఉండేది. ఇప్పుడు సునీల్ హీరోగా బిజీ అయిపోయాడు. సునీల్‌కి ద‌క్కాల్సిన పాత్ర యువ హాస్య‌న‌టుడు ప్ర‌వీణ్ పోషించాడ‌ని, ఈ సినిమాతో ప్ర‌వీణ్ స్టారైపోతాడ‌ని చెప్పుకొంటున్నారు.
• మిక్కీ జె.మేయ‌ర్ పాట‌లు మ‌రీ సో సోగా సాగాయ‌ట‌.
• ఫ‌స్టాఫ్ కామెడీతో న‌డ‌పించిన త్రివిక్రమ్ సెకండాఫ్ మొత్తాన్నీ ఎమోష‌న్స్‌తో న‌డిపించేశాడ‌ట‌.
• ప‌తాక స‌న్నివేశాలు కంట‌త‌డి పెట్టించే విధంగా సాగాయ‌ని, ఇదో ర‌కంగా ఎమోష‌న‌ల్ జ‌ర్నీ అని చెప్పుకొంటున్నారు. త్రివిక్ర‌మ్ అంటే న‌వ్వుల పంటే అనుకొన్న వాళ్లు ఈ సినిమా చూసి కాస్త నిరాశ చెందే అవ‌కాశాలున్నాయ‌ట‌. అయితే ఎమోష‌న్ సీన్లు క్లిక్క‌యితే అ.ఆ కి తిరుగుండ‌ద‌ని చెప్పుకొంటున్నారు.