మ‌హేష్ బాబు – త్రివిక్ర‌మ్ క‌ల‌యిక‌లో ఓ చిత్రం రూపుదిద్దుకొంటోంది. ఈ సినిమా టైటిల్ ఇంకా ఫిక్స్ కాలేదు. ఈ సినిమాకి త్రివిక్ర‌మ్ ఏం టైటిల్ పెడ‌తాడా? అని అంద‌రూ ఆస‌క్తిగా ఎదురు చూస్తున్నారు. త్రివిక్రమ్‌కి `అ` సెంటిమెంట్‌. ఆ అక్షరంతోనే ఈసినిమా టైటిల్ సెట్ చేయాల‌ని చూస్తున్నాడు. ప్ర‌స్తుతానికి రెండు పేర్లు ప‌క్క‌న పెట్టారు. వాటిలో ఒక‌టి ఖ‌రార‌య్యేఅవ‌కాశాలున్నాయి. వాటిలో `అయోధ్య‌లో అర్జునుడు` అనే పేరుపై త్రివిక్ర‌మ్ మ‌క్కువ పెంచుకొన్నాడు. మ‌రో టైటిల్ `అత‌డే త‌న సైన్యం` అనే టైటిల్ కూడా ఉంది. ఈ క‌థ‌లో అమ్మ సెంటిమెంట్ కి ప్రాధాన్యం ఉంద‌ట‌. అందుకే `అమ్మ‌` అనే పేరు వ‌చ్చేలా ఓ టైటిల్ అనుకొంటున్నాడ‌ట‌. యూనిట్ మాత్రం `అయోధ్య‌లో అర్జునుడు` అనే పేరు బాగుంద‌ని త్రివిక్ర‌మ్ కి స‌ల‌హా ఇచ్చిన‌ట్టు తెలుస్తోంది. మ‌హేష్ తో తీసిన అత‌డు సెంటిమెంట్ రిపీట్ అవ్వాల‌ని త్రివిక్ర‌మ్ అనుకొంటే మాత్రం `అత‌డే త‌న సైన్యం` కూడా ఖ‌రారు చేయొచ్చు. ఉగాదికి టైటిల్ ప్ర‌క‌టించి, ఫ‌స్ట్ లుక్ విడుద‌ల చేసే అవ‌కాశాలున్నాయి.