కొన్ని కాంబినేషన్స్ లో సినిమా అనగానే కచ్చితంగా ప్రేక్షకుల్లో సినిమాపై భారీ అంచనాలు ఏర్పడతాయి.. ఇక ఆ సినిమా యావరేజ్ గా ఉన్నా సరే మ్యాజిక్ జరిగి ఆ సినిమా సూపర్ హిట్ చేసేస్తారు ప్రేక్షకులు. ప్రస్తుతం అలాంటి క్రేజీ కాంబోనే మరోసారి కలిసి సినిమా చేస్తున్నాయి. వారెవరో కాదు మాటల మాంత్రికుడు త్రివిక్రం, స్టైలిష్ స్టార్ అల్లు అర్జున్. వీరిద్దరి కలయికలో వచ్చిన రెండు సినిమాలు జులాయి, సన్నాఫ్ సత్యమూర్తి సినిమాలు మంచి హిట్ సాధించాయి.

ఇప్పుడు ముచ్చటగా మూడోసారి వీరు కలిసి పనిచేయబోతున్నారని సమాచారం. ప్రస్తుతం అ..ఆ సినిమా షూట్ లో త్రివిక్రం, సరైనోడు పూర్తి చేసే పనిలో అల్లు అర్జున్ ఉన్నారు. అయితే ఈ సినిమా తర్వాత సూర్యతో ఓ సినిమా కమిట్ అయిన త్రివిక్రం ఆ ప్రాజెక్ట్ ఆలస్యం అయ్యేలా ఉందని గ్రహించి బన్నితో ఓ సినిమా చేసేందుకు ప్లాన్ చేస్తున్నాడట.

అల్లు అర్జున్ కూడా సరైనోడు సినిమా తర్వాత వేరే దర్శకుల కథలు వింటున్నా దేనికి కమిట్మెంట్ ఇవ్వలేదు. సూర్య ఎలాగు సింగం-3 షూట్ లో బిజీగా ఉన్నాడు కాబట్టి ఈలోపు బన్నితో సినిమా తీసేలా నిర్ణయం తీసుకున్నాడు త్రివిక్రం. ఇప్పటికే రెండు సూపర్ హిట్స్ సినిమాలనందించిన ఈ కలయిక ఈసారి ఎలాంటి సినిమాను ప్రేక్షకులకు ఇవ్వనున్నారో చూడాలి.