పవన్ క‌ల్యాణ్‌, త్రివిక్రమ్ ల బంధం గురించి కొత్త‌గా చెప్పేదేముంది?? అయితే ఈ రిలేష‌న్ రోజు రోజుకీ.. బ‌ల‌ప‌డుతూనే ఉంది. త్రివిక్ర‌మ్‌కి చెప్ప‌కుండా పవన్, ప‌వ‌న్‌కి తెలీకుండా త్రివిక్రమ్ అడుగు తీసి అడుగు కూడా వేయ‌ట్లేదంటే న‌మ్మండి. అంత బ‌ల‌మైన బాండ్ ప‌డిపోయింది వీళ్ల మ‌ధ్య. కేవ‌లం ప‌వ‌న్‌తో సినిమా చేయ‌డానికేనా అన్న‌ట్టు సూర్య సినిమాని కూడా ప‌క్క‌న పెట్టేశాడు త్రివిక్రమ్. డాలీతో ఓ సినిమా ఒప్పుకొన్నా.. త‌న కాన్స‌ట్రేష‌న్ అంతా త్రివిక్రమ్‌పై పెట్టాడు పవన్. ఈ సెప్టెంబ‌రులో పవన్ – త్రివిక్రమ్ ల సినిమా ప‌ట్టాలెక్కుతుంది. అది పూర్త‌య్యాక పవన్ సొంత నిర్మాణ సంస్థ‌లో త్రివిక్రమ్ ద‌ర్శ‌కత్వంలో రామ్‌చ‌ర‌ణ్ క‌థానాయ‌కుడిగా ఓ సినిమా ప‌ట్టాలెక్కుతుంది. అంటే వ‌రుస‌గా రెండు సినిమాలూ పవన్ కోస‌మే అన్న‌మాట. క‌నీసం మ‌రో రెండేళ్ల పాటు త్రివిక్రమ్, ప‌వ‌న్‌లు క‌ల‌సి క‌ట్టుగానే ప‌నిచేయ‌బోతున్నార‌న్న‌మాట.
విశ్వ‌స‌నీయ వ‌ర్గాల స‌మాచారం ప్ర‌కారం డాలీ సినిమాకి సంబంధించిన స్క్రిప్టు ప‌ర్య‌వేక్ష‌ణ కూడా త్రివిక్ర‌మే చూస్తున్నాడ‌ని టాక్‌. ప్ర‌స్తుతం త్రివిక్రమ్ ఫైన‌ల్ రీడిండ్ చేస్తున్నాడ‌ని తెలుస్తోంది. ఆగ‌స్టు 6 నుంచి డాలీ – పవన్ ల సినిమా ప‌ట్టాలెక్కొచ్చు. ఇవికాక కోబ‌లి గురించి కూడా పవన్ – త్రివిక్రమ్ చ‌ర్చించుకొంటున్నార్ట. ఆ సినిమా ఎలాగైనా స‌రే ప‌ట్టాలెక్కించాల‌ని భావిస్తున్నార్ట. కోబ‌లి స్క్రిప్టు కూడా రెడీ అయిపోతే.. పవన్ – త్రివిక్రమ్ మ‌రింత బిజీ అయిపోతారు.
