అల్లు అర్జున్ – త్రివిక్ర‌మ్ కాంబినేష‌న్‌లో ఓ చిత్రం రూపుదిద్దుకుంటున్న సంగ‌తి తెలిసిందే. బాలీవుడ్‌లో హిట్ట‌యిన ఓ ల‌వ్ స్టోరీని రీమేక్ చేస్తార‌ని అంత‌కు ముందు వార్త‌లొచ్చాయి. అయితే… ఆ రీమేక్‌ని ప‌క్క‌న పెట్టి త్రివిక్ర‌మ్ కొత్త క‌థ రాసుకున్నాడు. ఈ క‌థంతా `అబద్దం` చుట్టూ తిరుగుతుంద‌ని తెలుస్తోంది. క‌థానాయ‌కుడు అనుకోకుండా ఓ అబ‌ద్దం ఆడ‌తాడు. ఆ అబ‌ద్దాన్ని నిజం చేయ‌డానికి సినిమా అంతా ప్ర‌య‌త్నిస్తూనే ఉంటాడు. చివ‌రికి అది నిజం అయిపోతుంది. ఆ ప్ర‌యాణంలో త‌ను ప‌డిన పాట్ల స‌మాహార‌మే త్రివిక్ర‌మ్ సినిమా. త్రివిక్ర‌మ్ ఎప్పుడూ చిన్న చిన్న పాయింట్ల‌నే క‌థావ‌స్తువులుగా ఎంచుకుంటాడు. ఈసారీ అదే జ‌రుగుతోంది. గ‌త చిత్రాలు అ.ఆ, అజ్ఞాత‌వాసి, అర‌వింద స‌మేత ల‌లో త్రివిక్ర‌మ్ మార్కు వినోదం బాగా మిస్ అయ్యింది. అయితే.. ఈసారి మాత్రం వినోదం పుష్క‌లంగా ఉండేట్టు జాగ్ర‌త్త‌ప‌డుతున్నాడ‌ట‌. ఈనెలాఖ‌రున లాంఛ‌నంగా సినిమా మొద‌ల‌వ్వ‌బోతోంది. ఏప్రిల్ నుంచి రెగ్యుల‌ర్ షూటింగ్ మొద‌ల‌వ‌నుంది. బొమ‌న్ ఇరానీ కీల‌క పాత్ర‌లో క‌నిపిస్తార‌ని తెలుస్తోంది.