క‌న్న‌డ‌లో విజ‌య‌వంత‌మైన చిత్రం `ల‌వ్ మాక్‌టైట్‌`. తెలుగులో ఈ చిత్రాన్ని స‌త్య‌దేవ్, త‌మ‌న్నాల‌తో రీమేక్ చేస్తున్నారు. ఈ చిత్రానికి తెలుగులో `గుర్తుందా శీతాకాలం` అనే పేరు పెట్టారు. టైటిల్ చాలా రొమాంటిక్‌గా, క్లాసిక్ ట‌చ్‌తో ఉండ‌డంతో.. మంచి స్పందన ల‌భించింది. నిజానికి ఈ టైటిల్ త్రివిక్ర‌మ్ త‌న సినిమా కోసం అట్టి పెట్టుక‌న్న‌ద‌ట‌. ఇది వ‌ర‌కే ఫిల్మ్ ఛాంబ‌ర్ లో ఈ టైటిల్ ని త్రివిక్ర‌మ్ రిజిస్ట‌ర్ చేయించుకున్న‌ట్టు స‌మాచారం.

అయితే `ల‌వ్ మాక్ టైట్‌` నిర్మాత‌ల‌కూ ఇదే టైటిల్ న‌చ్చింది. త‌మ సినిమాకి ఈ టైటిల్ అయితే బాగుంటుంద‌ని భావించ‌డంతో.. అదే ఖాయం చేశారు. ఈ టైటిల్ కోసం స‌త్య‌దేవ్ త్రివిక్ర‌మ్ ని సంప్ర‌దించాడ‌ని, త్రివిక్ర‌మ్ ఈ టైటిల్ ఇవ్వ‌డానికి ఒప్పుకున్నాడ‌ని తెలుస్తోంది. `అత్తారింటికి దారేది`లో ఓ చిన్న పాత్ర పోషించాడు స‌త్య‌దేవ్‌. అప్ప‌ట్లో హీరోగా ట్రై చేస్తున్నా… త్రివిక్ర‌మ్ అడ‌గ‌డంతో కాద‌న‌లేక.. ఒప్పుకున్నాడు. `స‌న్నాఫ్ స‌త్య‌మూర్తి`లోనే `శీతాకాలం సూర్యుడిలా కొంచెం కొంచెం చూస్తావే` అనే పాట ఉంది. ఈ లైన్ ని స్ఫూర్తిగా తీసుకుని ఈ టైటిల్ రిజిస్ట‌ర్ చేయించాడ‌ట త్రివిక్ర‌మ్‌. ఇప్పుడు అది స‌త్య‌దేవ్ కోసం ఇచ్చేశాడు. త్రివిక్ర‌మ్‌కి టైటిళ్ల కొర‌తా ఏంటి??!