ఖమ్మం జిల్లాలో పాలేరు ఉపఎన్నికల ఓట్ల లెక్కింపులో మొదటి రౌండ్ నుంచే తెరాస అభ్యర్ధి తుమ్మల నాగేశ్వర రావు పూర్తి ఆధిక్యతతో దూసుకుపోతున్నారు. ఇప్పటి వరకు ఆరు రౌండ్లు లెక్కింపు పూర్తి కాగా తుమ్మలకి తన సమీప కాంగ్రెస్ ప్రత్యర్ధి సుచరితా రెడ్డిపై 84,844 ఓట్ల ఆధిక్యత లభించింది. కనుక ఈ ఎన్నికలలో కూడా తెరాస చాలా భారీ మెజార్టీతో విజయం సాధించబోతున్నట్లు స్పష్టం అవుతోంది. కాంగ్రెస్ పార్టీ సీనియర్ నేత, పాలేరు ఎమ్మెల్యే రామిరెడ్డి వెంకట రెడ్డి మృతి కారణంగా జరుగుతున్న ఈ ఎన్నికలలో కాంగ్రెస్ పార్టీ ఆయన భార్య సుచరితా రెడ్డినే తన అభ్యర్ధిగా నిలబెట్టింది. ప్రజలు సానుభూతితో ఆమెకే ఓట్లు వేస్తారని భావించింది కానీ తెరాస బలమైన ఎన్నికల వ్యూహాలను అమలుచేసి కాంగ్రెస్ ఆశలపై నీళ్ళు చల్లింది.