మెదక్ జిల్లా నారాయణఖేడ్ అసెంబ్లీ నియోజకవర్గానికి జరిగిన ఉప ఎన్నికల ఫలితాలు నేడు వెలువడుతున్నాయి. ఇంతవరకు పది రౌండ్లు ఓట్ల లెక్కింపు పూర్తికాగా అందులో తెరాస అభ్యర్ధి భూపాల్ రెడ్డి 25,311 ఆధిక్యతలో దూసుకుపోతున్నారు. ఇప్పటి వరకు లెక్కించిన ఓట్లలో ఆయనకు మొత్తం 44,067 ఓట్లు దక్కాయి. ఆయన సమీప ప్రత్యర్ధిగా కాంగ్రెస్ పార్టీకి చెందిన సంజీవ రెడ్డికి 18,756 ఓట్లు, తెదేపా అభ్యర్ధి విజయ్ పాల్ రెడ్డికి కేవలం 8,309 ఓట్లు మాత్రమే దక్కాయి. వరుస విజయాలతో దూసుకుపోతున్న తెరాస ఈ ఎన్నికలలో కూడా ఘన విజయం సాధిస్తుందని ప్రతిపక్షాలు కూడా విశ్వసిస్తున్నాయి. వాటి అంచనాలకు తగ్గట్లుగానే తెరాస విజయపధంలో దూసుకుపోతోంది. ఈ ఉప ఎన్నికలలో తెరాస ఎంత మెజార్టీ సాధిస్తుంది? అనే సందేహం మాత్రమే మిగిలి ఉంది.
