ఎప్పుడు మొద‌లెట్టాడో, ఎప్పుడు పూర్తి చేశాడో కూడా తెలియ‌కుండా ఓ సినిమా చేసేశాడు కిర‌ణ్ అబ్బ‌వ‌రం. దానికి ‘క‌’ అనే వెరైటీ టైటిల్ పెట్టాడు. ప్రీ లుక్ కూడా విడుద‌లైంది. ఈనెల 15న కిర‌ణ్ పుట్టిన రోజు. ఈ సంద‌ర్భంగా టీజ‌ర్ విడుద‌ల చేస్తున్నాడు. టీజ‌ర్ ఇప్ప‌టికే రెడీ అయ్యింది. త‌న స్నేహితుల‌కు, కొంత‌మంది మీడియా మిత్రుల కోసం ఈ టీజ‌ర్‌ని ప్ర‌త్యేకంగా ప్ర‌ద‌ర్శించాడు కిరణ్‌. టీజ‌ర్ ప్రామిసింగ్ గా ఉంది. కిర‌ణ్ లుక్, క్యారెక్ట‌రైజేష‌న్, విజువ‌ల్ గ్రాండియ‌ర్ ఇవ‌న్నీ చ‌క్క‌గా కుదిరాయి. టీజ‌ర్ చూస్తే.. కిర‌ణ్ ఓ కొత్త త‌ర‌హా ప్ర‌య‌త్నం చేశాడ‌న్న న‌మ్మ‌కం క‌లుగుతుంది. ఈమ‌ధ్య కాలంలో కిర‌ణ్ అబ్బ‌వరం నుంచి వ‌చ్చిన సినిమాల్లో ‘క‌’ ది బెస్ట్ గా నిలిచే అవ‌కాశాలు క‌నిపిస్తున్నాయి.

ఈ క‌థ‌పై రెండేళ్ల పాటు వ‌ర్క్ చేశాడు కిర‌ణ్‌. భారీగానూ ఖ‌ర్చు పెట్టారు నిర్మాత‌లు. ఆఖ‌రికి కిర‌ణ్ పారితోషికం సైతం సినిమాలో పెట్టుబ‌డిగా పెట్టేసి, ఓ మంచి అవుట్ పుట్ రావ‌డానికి ప్ర‌య‌త్నించాడ‌ట‌. ఈ క‌థ‌పై కిర‌ణ్ చాలా న‌మ్మ‌కంగా ఉన్నాడు. క‌థ‌లో చూపించే జోన‌ర్స్‌, స్క్రీన్ ప్లేలో న‌వ్య‌త క‌ట్టిప‌డేస్తాయ‌ని అంటున్నాడు. అంతేకాదు…. ‘క‌’లో ఎనిమిది ట్విస్టులు ఉంటాయ‌ట‌. అవ‌న్నీ ప్రేక్ష‌కుల్ని క‌ట్టిప‌డేస్తాయ‌ని, క్లైమాక్స్ ఎమోష‌న‌ల్ గా సాగుతుంద‌ని నమ్మ‌కంగా చెబుతున్నాడు కిర‌ణ్ అబ్బ‌వరం. నిజానికి కిర‌ణ్ న‌టించిన ‘దిల్ రూబా’ సినిమా త‌ర‌వాతే ‘క‌’ రావాలి. అయితే ఇప్పుడు ప్లాన్ మార్చాడు. ముందుగా ‘క‌’ విడుద‌ల చేసి, ఆ త‌ర‌వాత ‘దిల్ రూబా’పై దృష్టి పెట్టాల‌ని భావిస్తున్నాడు కిర‌ణ్‌