రోజురోజుకీ `స్టార్ల‌`తో బ‌లం పుంజుకొంటోంది `ఎన్టీఆర్‌` బ‌యోపిక్‌. విద్యాబాల‌న్ కి బ‌స‌వ‌తార‌కం పాత్ర అప్ప‌గించే స‌రికి… ఈ సినిమాకి బాలీవుడ్ క‌ల‌రింగొచ్చింది. రానా తోడ‌వ్వ‌డంతో ఇంకా బ‌లం పుంచుకుంది. ఓప్ర‌ధాన పాత్ర‌కు ర‌కుల్ ప్రీత్ సింగ్‌ని ఎంచుకోవ‌డంతో కొత్త గ్లామ‌రొచ్చింది. కీర్తీ సురేష్ సావిత్రిగా క‌నిపించ‌నున్న‌ద‌ని ప్ర‌చారం సాగుతోంది. ఇప్పుడు మ‌రో ఇద్ద‌రు క‌థానాయిక‌ల‌కూ ఛాన్సుంద‌ని తెలుస్తోంది. జ‌య‌సుధ‌, జ‌య‌ప్ర‌ద పాత్ర‌ల కోసం ఇద్ద‌రు నాయిక‌ల పేర్లు ప‌రిశీలిస్తున్నార‌ని, అందుకోసం యువ హీరోయిన్ల‌ను తీసుకోవాల‌న్న ఆలోచ‌న‌లో ఉన్నార‌ని స‌మాచారం. వీరిద్ద‌రూ క‌నిపించేది కాసేపే. కాక‌పోతే.. ఓ కీల‌క‌మైన స‌న్నివేశంలో జ‌య‌సుధ‌, జ‌య‌ప్ర‌ద‌ల ప్ర‌స్తావ‌న రానుంది. అందుకే.. పేరున్న క‌థానాయిక‌ల‌నే తెర‌పై చూపించాల‌ని క్రిష్ భావిస్తున్నాడు. బ‌హుశా.. ఇద్ద‌రివీ ఒక రోజు కాల్షీట్లే. కాబ‌ట్టి… అతిథి పాత్ర‌ల‌ని స‌రిపెట్టుకోవొచ్చు. వీళ్లే కాకుండా ఇంకా కొంత‌మంది స్టార్ హీరోలు, హీరోయిన్లు ఈ సినిమాలో క‌నిపించ‌బోతున్నారు. వాళ్లంద‌రినీ ఒకే సారి తెర‌పై చూస్తే… అంత‌కంటే సంద‌డి ఏముంది..???