ఉపేంద్ర అంటేనే వెరైటీ. తన విలక్షణమైన నటనతో పాటు అంతే విలక్షణ రైటింగ్, డైరెక్షన్ లో తనకంటూ ఒక స్పెషల్ మార్క్ ని సంపాయించుకున్నాడు. ఇప్పుడు ఉపేంద్ర నుంచి పాన్ ఇండియా మూవీ ప్రకటన వచ్చింది. ప్రముఖ ఆడియో లేబుల్ లహరి సంస్థ ఈ సినిమా కోసం నిర్మాణం రంగంలో అడుగుపెడుతుంది. వీనస్ ఎంటర్‌టైనర్స్ తో కలసి ఉపేంద్ర పాన్ ఇండియా సినిమా నిర్మాణం జరుగుతుంది. ఈ చిత్రంలో నటించడంతో పాటు ఉపేంద్రనే దర్శకత్వం బాద్యతలు తీసుకున్నారు. కన్నడతో పాటు హిందీ, తెలుగు, తమిళ భాషలలో ఈ పాన్-ఇండియా చిత్రం రూపుదిద్దుకుంటుంది. ప్రస్తుతం పాన్ ఇండియా చిత్రాల హవా నడుస్తుంది. యూనివర్సల్ అప్పీల్ వున్న కథలు తీసుకొని ఒకేసారి నాలుగు భాషల్లో చిత్రీకరించి మార్కెట్ పరిధిని పెంచే విధంగా నిర్మాతలు ప్లాన్ చేస్తున్నారు. ఉపేంద్ర గత సినిమాల్లానే ఈ పాన్ ఇండియా మూవీ కూడా ఓ పాత్ బ్రేకింగ్ ఐడియాతో వుండబోతుందని నిర్మాతలు చెబుతున్నారు.