ద‌ర్శ‌కుడు శోభ‌న్ గుర్తున్నాడా? వ‌ర్షం సినిమా ద‌ర్శ‌కుడు. ప్ర‌తిభావంత‌మైన ద‌ర్శ‌కుడు… చాలా త‌క్కువ వ‌య‌సులోనే క‌న్నుమూశాడు. త‌న త‌న‌యుడే సంతోష్. త‌ను నేను, పేప‌ర్ బోయ్ సినిమాల‌లో హీరోగా క‌నిపించాడు. ఆ రెండు సినిమాలూ ఫ్లాపే. అయితే ఇప్పుడు యూవీ క్రియేష‌న్స్ నుంచి ఓ మంచి అవ‌కాశం వ‌చ్చింది. యూవీ క్రియేష‌న్స్ లో కార్తీక్ అనే కొత్త కుర్రాడి ద‌ర్శ‌క‌త్వంలో ఓ సినిమా రూపొందుతోంది. మేర్ల‌పాక గాంధీ ఈ చిత్రానికి క‌థ‌, స్క్రీన్ ప్లే అందిస్తున్నారు. ఈచిత్రంలో కావ్య‌థాప‌ర్ క‌థానాయిక‌. శుక్ర‌వారం లాంఛ‌నంగా ప్రారంభం కానుంది. ఇదే కాదు.. మ‌రో నాలుగు చిన్న సినిమాల్ని లైన్ లో పెట్టింది యూవీ క్రియేష‌న్స్‌. ఈ యేడాదే అవ‌న్నీ ప‌ట్టాలెక్క‌బోతున్నాయి. యూవీ కోరుకుంటే.. చాలామంది యువ హీరోలు సినిమాలు చేయ‌డానికి సిద్ధం. కానీ.. ఏరి కోరి శోభ‌న్‌ని ఎంచుకొంది. క‌థ డిమాండ్ చేసిందేమో..?