మెగా ఇంటి నుంచి వార‌సులు వ‌స్తూనే ఉన్నారు. తాజాగా మెగా అల్లుడు క‌ల్యాణ్ దేవ్ ఎంట్రీ అయిపోయింది. ఆయ‌న సినిమా… వ‌చ్చే నెల‌లో విడుద‌ల‌కు సిద్ధంగా ఉంది. ఈలోగా మ‌రో మెగా హీరో మేక‌ప్ వేసుకోవ‌డానికి రెడీ అయిపోయాడు. త‌నే… వైష్ణ‌వ్ తేజ్‌. సాయిధ‌ర‌మ్ తేజ్ త‌మ్ముడు వైష్ణ‌వ్‌. ఎప్ప‌టి నుంచో హీరో అవుదామ‌ని ప్ర‌య‌త్నిస్తున్నాడు. ఇప్పుడు అందుకు రంగం సిద్ధ‌మైంది. ఓ యువ ద‌ర్శ‌కుడు వైష్ణ‌వ్ కోసం ఓ క‌థ సిద్ధం చేశాడు. ‘నేల టికెట్’ నిర్మాత రామ్ తాళ్లూరి ఈ చిత్రాన్ని తెర‌కెక్కించ‌బోతున్నారు. సాయిధ‌ర‌మ్ తో ఓ సినిమా చేయాల‌ని రామ్ తాళ్లూరి ప్లాన్‌. ఆ సినిమా కోసం వెళ్తే… వైష్ణ‌వ్ దొరికాడు. వైష్ణ‌వ్ సినిమా పూర్త‌య్యాక‌.. తేజూతో కూడా ఓ సినిమా ఉండ‌బోతోంద‌ట‌. అంటే… వ‌రుస‌గా అన్నాద‌మ్ముళ్ల‌తో సినిమాలు తీస్తుంద‌న్న‌మాట ఈ సంస్థ‌. ఆ ద‌ర్శ‌కుడు ఎవ‌రు? ఈ సినిమా ఎప్పుడు సెట్స్‌పైకి వెళ్తుంద‌న్న విష‌యాల‌పై కాస్త క్లారిటీ రావాల్సివుంది. మొత్తానికి తేజూ త‌మ్ముడ్ని త్వ‌ర‌లోనే చూడ‌బోతున్నామ‌న్న‌మాట‌.