‘ఉప్పెన’ సినిమా వైష్ణవ్‌ తేజ్‌, కృతిశెట్టి లాంటి యూత్ ట్యాలెంట్ వెలుగులోకి తెచ్చింది. సినిమాకి నేషనల్ అవార్డ్ కూడా వచ్చింది. వైష్ణవ్‌ తేజ్‌, కృతిశెట్టి మంచి ఆఫర్లు కూడా అందుకున్నారు. అయితే ఈ సినిమా తర్వాత చేసిన మరో చెప్పుకొదగ్గ సినిమా వీరికి లేకుండా పోయింది. కృతిశెట్టికి సినిమాలు వున్నాయి కానీ విజయాలు లేవు. వైష్ణవ్‌ తేజ్‌ పరిస్థితి కూడా ఇలానే వుంది. ఉప్పెన తర్వాత చేసిన కొండపొలం, రంగరంగ చిత్రాలు ఆయనకి ప్లస్ అవ్వలేదు.

ఇప్పుడు ‘ఆదికేశవ’తో వస్తునాడు వైష్ణవ్‌ తేజ్‌. ఇటివలే విడుదలైన ట్రైలర్ చూస్తే రొటీన్ గా కనిపించింది. అలాంటి టెంప్లెట్ లో ఇరివరకే చాలా సినిమాలు చూశారు ప్రేక్షకులు. అటు యూనిట్ కూడా ఇది రెగ్యులర్ కమర్షియల్ మాస్ సినిమానే కానీ ట్రీట్ మెంట్ కొత్తగా ఉటుందని చెబుతుంది. ఈ మధ్య కాలంలో రెగ్యులర్ మాస్ మసాలా సినిమాల్లో కూడా ఎదో కొత్త పాయింట్ ఉంటేనే చూస్తున్నారు ప్రేక్షకులు. ఇలాంటి సినిమాలో రొటీన్ ముద్రతో వస్తోంది ‘ఆదికేశవ’. ఈ సినిమా విజయం వైష్ణవ్‌ తేజ్‌ కి చాలా అవసరం. మోస్ట్ హ్యాపెనింగ్ హీరోయిన్ శ్రీలీల ఇందులో స్పెషల్ ఎట్రాక్షన్, అలాగే సితార బ్యానర్ వాల్యూ కూడా యాడ్ అవుతుంది. ఇప్పటివరకూ మాస్ సినిమా చేయలేదు వైష్ణవ్‌ తేజ్‌. ఈ మాస్ లో వైష్ణవ్‌ తేజ్‌ ని ప్రేక్షకులు ఎలా తీసుకుంటారన్నదానిపై ఆదికేశవ ఫలితం ఆధారపడి వుంటుంది.